Ποντιακός Στίχος

Προβολή Τραγουδιού

Εχ̌ι͜ονίγα - εχ̌ι͜ονίγα

Στον Ορφέα της λύρας, ΓώγοΣτον Ορφέα της λύρας, Γώγο

Στιχουργοί: Χρύσανθος Θεοδωρίδης

Συνθέτες: Χρύσανθος Θεοδωρίδης

Καλλιτέχνες: Κωστάκης Πετρίδης, Χρύσανθος Θεοδωρίδης


Έναν βούραν τσατσόπα,
λεφτοκαρί’ καντζόπα
Βάλ’ ατα σην τσ̌όπη μου,
καντουρεύω κορτσόπα

Εχ̌ι͜ονίγα - εχ̌ι͜ονίγα
κι αρ’ εγώ -ν- επατουλίγα
Ση Σιναλού¹ την Παναγιάν
τ’ αρνόπο μ’ ετυλίγα

Έλα να μονάζω σε,
καντζία θα φάζω σε
Ση καπνού το τσάκωμαν,
’γώ, θ’ απονεγκάζω σε

Εχ̌ι͜ονίγα - εχ̌ι͜ονίγα
κι αρ’ εγώ -ν- επατουλίγα
Ση Σιναλού την Παναγιάν
τ’ αρνόπο μ’ ετυλίγα

Τα φιλέματα σ’ σ̌εκέρ’,
η καλατσ̌ή σ’ άμον μέλ’
Ας χ̌αίρουμες τη ζωήν,
πόσο θα ζούμ’, τσί εξέρ’;

Εχ̌ι͜ονίγα - εχ̌ι͜ονίγα
κι αρ’ εγώ -ν- επατουλίγα
Ση Σιναλού την Παναγιάν
τ’ αρνόπο μ’ ετυλίγα
Γλωσσάρι
ΚείμενοΕπεξήγησηΕτυμ. ΡίζαΠροέλευση
άμονσαν, όπως, καθώς
απονεγκάζωξεκουράζω
αρνόποαρνάκι, χαϊδευτική προσφώνηση γυναίκας
ατααυτά
βούρανχούφτα
εξέρ’ξέρω/ει, γνωρίζω/ει
επατουλίγασκεπάστηκα με νιφάδες χιονιού (πατούλια), χιονίστηκα
ετυλίγατυλίχθηκα
εχ̌ι͜ονίγαχιονίστηκα
καλατσ̌ήομιλία, συνομιλία, συζήτηση keleci=καλός λόγος (Παλαιά Τουρκική Ανατολίας)
καντζίαψίχες από πυρηνόκαρπους ή άλλους σπόρους
καντζόπακαρποί
καντουρεύωξεγελάω, εξαπατάω, κοροϊδεύω kandırmak
κορτσόπακοριτσάκια
λεφτοκαρί’λεπτοκαρυάς, φουντουκιάς λεπτο- + κάρυον
μέλ’μέλι
μονάζωφιλοξενώ για διανυκτέρευση
σ̌εκέρ’ζάχαρη, γλυκό/ά şeker < şakar (περσ.) < śakkharā (οψ. σανσκ.) < śárkarā (σανσκριτ.)
τσάκωμανσπάσιμο
τσατσόπαξεροκλάδια θάμνων, φρύγανα
τσί(τις) ποιός;
τσ̌όπητσέπη cep/ceyb
φάζωταΐζω
φιλέματαφιλιά
χ̌αίρουμεςχαιρόμαστε
Σημειώσεις
¹ Η Παναγία της Σιναλούς βρίσκεται στα Κοτύωρα του Πόντου, νοτιοανατολικά του παρχαριού Τσ̌άμπασ̌ι (Çambaşı)

Ποντιακός Στίχος - Pontian Lyrics 2024

Τραγούδια: 7943 | Albums/Singles: 1192 | Συντελεστές: 1575 | Λήμματα: 13400
Επικοινωνία: infoDUMMY@pontianlyrics.gr