Άμον αφτέρωτος αητέντς

Προβολή Τραγουδιού

Καλλιτέχνες: Κωστάκης Πετρίδης, Χρύσανθος Θεοδωρίδης

Άμον αφτέρωτος αητέντς
κι αγλώσσωτον πουλόπον
Σα ξένα τόπι͜α λάσκουμαι,
μακρά -ν- ας σ’ οσπιτόπο μ’

Ξένον, αλόξενον πουλίν,
τα φτερόπα μ’ κομμένα
Πώς να πετώ και έρχουμαι,
μάνα μ’, σουμά σ’ εσένα;

Μανίτσα μ’, ας ευρίγουμ’νε
σο ζεστόν τη φωλέα σ’
κι ας έτρωγα ξερόν ψωμίν
και αλυκά ελαίας

Μανίτσα μ’, ας ευρίγουμ’νε
σο ζεστόν τη φωλέα σ’
κι ας έτρωγα ξερόν ψωμίν
και αλυκά ελαίας

Να τρώγω εροθύμεσα
φαΐν μαγειρεμένον
Ποσ̌ίντι͜α, νόστιμον χαβίτς
και σ̌ουρβάν τανωμένον

Να τρώγω εροθύμεσα
φαΐν μαγειρεμένον
Ποσ̌ίντι͜α, νόστιμον χαβίτς
και σ̌ουρβάν τανωμένον

Γλωσσάρι

Κείμενο	Επεξήγηση	Ετυμ. Ρίζα
αγλώσσωτον	χωρίς γλώσσα
αητέντς	αητός
αλόξενον	εντελώς ξένο, απομακρυσμένο	με τροπή του ο σε α, από το όλος + ξένος
αλυκά	αλμυρά
άμον	σαν, όπως, καθώς	ἅμα
ας σ’	(ας σου) από του, από τότε που/αφότου, (ας σο) από το/τα
αφτέρωτος	χωρίς φτερά
ελαίας	(τα) ελιές, (τη) ελιάς
εροθύμεσα	νοστάλγησα
έρχουμαι	έρχομαι
ευρίγουμ’νε	βρισκόμουν
λάσκουμαι	περιφέρομαι, τριγυρίζω, περιπλανώμαι	ἀλάομαι/ηλάσκω
μακρά	(επιρρ.) μακριά, (επιθ.) μακρινά, απομακρυσμένα
οσπιτόπο	σπιτάκι	hospitium<hospes + -όπον
ποσ̌ίντι͜α	(ή πουσ̌ίντι͜α) φαγητό από κρίθινο αλεύρι φρυγανισμένο
πουλόπον	πουλάκι
σουμά	κοντά
σ̌ουρβάν	σούπα από ξεφλουδισμένο και χοντροκομμένο σιτάρι ή κριθάρι	çorba/şūrbā
τανωμένον	το αρτυσμένο με τάνιν φαγητό (ιδίως σούπες, τάνιν= το γιαούρτι που απομένει μετά την αφαίρεση του βουτύρου)
τόπι͜α	τόποι, μέρη
φτερόπα	φτεράκια
φωλέα	φωλιά
χαβίτς	είδος εδέσματος που γίνεται με καλαμποκάλευρο και ανθόγαλα ή βούτυρο