Ποντιακός Στίχος

Προβολή Τραγουδιού

Λεγνή μ’, πολλά λεγνέσσα

Θεέ μ’, ενέσπαλες τ’ ανθρώπ’ς

Καλλιτέχνες: Χρήστος Χρυσανθόπουλος, Χρύσανθος Θεοδωρίδης


Εσέν, πουλί μ’, εγέννεσεν
[Λεγνή μ’, πολλά λεγνέσσα]
ποϊλίσσα ακριτομάνα
[Πώς κοιμάσαι μαναχέσσα;]
Εσέν γάλαν εβύζαξεν
[Λεγνή μ’, πολλά λεγνέσσα]
Μάτσ’κας παρχαρομάνα
[Πώς κοιμάσαι μαναχέσσα;]

Το πόι σ’ ακριτόκαστρον,
[Λεγνή μ’, πολλά λεγνέσσα]
τσ̌αλίκια τα ποδάρι͜α
[Πώς κοιμάσαι μαναχέσσα;]
Τα χ̌ερόπα σ’ χρυσόσπαθα,
[Λεγνή μ’, πολλά λεγνέσσα]
μάτι͜α μαργαριτάρι͜α
[Πώς κοιμάσαι μαναχέσσα;]

Τα μύρας ι-σ’ σύρ’νε, πουλί μ’,
[Λεγνή μ’, πολλά λεγνέσσα]
τη Παναΐας δάκρυ͜α
[Πώς κοιμάσαι μαναχέσσα;]
Μυρίχκουμαι ατα, ανασπάλλω
[Λεγνή μ’, πολλά λεγνέσσα]
τη καρδι͜άς ι-μ’ τα τέρτι͜α
[Πώς κοιμάσαι μαναχέσσα;]

Ποϊλίσσα και λεγνέσσα,
δεκαοχτώ χρονέσσα
Τσ̌ίζω σε και πονώ σε
ντο κείσαι μαναχέσσα
Γλωσσάρι
ΚείμενοΕπεξήγησηΕτυμ. ΡίζαΠροέλευση
ανασπάλλωξεχνώ
ατααυτά
εβύζαξενβύζαξε, θήλασε
εγέννεσενγέννησε
κείσαικείτεσαι, ξαπλώνεις
λεγνέσσαλιγνή, λιπόσαρκη
λεγνήλιγνή, λιπόσαρκη
μαναχέσσαμονάχη
μύραςμυρωδιές
μυρίχκουμαιμυρίζω, οσφραίνομαι
Παναΐας δάκρυ͜ατο φυτό Αμάραντος (Ελίχρυσος ο πολύτιμος)
παρχαρομάναγυναίκα που ήταν επιφορτισμένη με τις δουλειές του παρχαριού, ορεινού τόπου θερινής βοσκής
ποδάρι͜απόδια
πόιύψος, μπόι boy
ποϊλίσσαψηλή boylu
πολλάπολλά (επίθ.), πολύ (επίρ.)
σύρ’νεσέρνουν, τραβούν, ρίχνουν
τέρτι͜ακαημοί, βάσανα, στενοχώριες dert
τσ̌αλίκιαχαλύβδινα çelik
τσ̌ίζωλυπάμαι, συμπονώ σίζω
χ̌ερόπαχεράκια
χρονέσσαχρονών (θηλ)

Ποντιακός Στίχος - Pontian Lyrics 2024

Τραγούδια: 8012 | Albums/Singles: 1231 | Συντελεστές: 1615 | Λήμματα: 13981
Επικοινωνία: infoDUMMY@pontianlyrics.gr