Ποντιακός Στίχος

Προβολή Τραγουδιού

Λέγω σε, λελεύω σε

ΤαμάμαΤαμάμα

Στιχουργοί: Βασίλης Μωυσιάδης

Συνθέτες: Γεώργιος Αλεξανδρίδης

Καλλιτέχνες: Φάνης Κουρουκλίδης, Χρήστος Παπαδόπουλος


Έβγα, κόρ’, σο παραθύρ’,
[Λέγω σε -ν!]
ποίσον με -ν- έναν χατίρ’
[Λελεύω σε -ν!]
Το σεντόνι σ’ να τινά̤εις
[Λέγω σε -ν!]
και τ’ ονέρ’τα μ’ μη δελά̤εις
[Λελεύω σε -ν!]

Έφερα σε -ν- το σουμάδ’,
[Λέγω σε -ν!]
τίμα εμέν το παλληκάρ’
[Λελεύω σε -ν!]
Η σεβντά σ’ σην ψ̌η μ’ κορδύλ’,
[Λέγω σε -ν!]
έπαρ’ φόρ’ το δαχτυλίδ’
[Λελεύω σε -ν!]

Η μανίτσα σ’ αν ’κι θέλ’
[Λέγω σε -ν!]
αύριον θα πουσ̌μανεύ’
[Λελεύω σε -ν!]
Έρθα, κόρ’, θα παίρω σε,
[Λέγω σε -ν!]
αληγόρ’, εμέρωσεν!
[Λελεύω σε -ν!]

Τ’ άλογο μ’ εστόλτσα το,
[Λέγω σε -ν!]
ζινίχ̌ια εφόρτσα το
[Λελεύω σε -ν!]
Έλα, εμείς ας κλέφκουμες,
[Λέγω σε -ν!]
όνταν θέλτς παντρεύκουμες
[Λελεύω σε -ν!]
Γλωσσάρι
ΚείμενοΕπεξήγησηΕτυμ. ΡίζαΠροέλευση
αληγόρ’κάνε γρήγορα, βιάσου (προστ.)
δελά̤ειςπεριπλέκεις, μπερδεύεις κπ/κτ θηλιάζω<θῆλυς
έβγαβγες (προστ.)
εμέρωσενξημέρωσε
έπαρ’πάρε (προστ.)
έρθαήρθα
θέλτςθέλεις
’κιδεν ουκί<οὐχί
κλέφκουμεςκλεβόμαστε
κορδύλ’κόμπος
λελεύωχαίρομαι
ονέρ’ταόνειρα
όντανόταν
παίρωπαίρνω
παντρεύκουμεςπαντρευόμαστε
ποίσονκάνε, φτιάξε (προστ.) ποιέω, ποιῶ
πουσ̌μανεύ’μετανιώνει pişman olmak<paşmān
σεβντάαγάπη, έρωτας sevda/sevdā
σουμάδ’σημάδι, μτφ. ως ένδειξη πίστης και υπόσχεση γάμου
τινά̤ειςτινάζεις
φόρ’φόρεσε (προστ.)
ψ̌ηψυχή

Ποντιακός Στίχος - Pontian Lyrics 2024

Τραγούδια: 7928 | Albums/Singles: 1169 | Συντελεστές: 1564 | Λήμματα: 13337
Επικοινωνία: infoDUMMY@pontianlyrics.gr