Γιά έλα, γιά θα έρχουμαι

Προβολή Τραγουδιού

Καλλιτέχνες: Δημήτρης Καρασαββίδης, Κώστας Θεοδοσιάδης

Γιά έλα γιά θα έρχουμαι
γιά το ποτάμ’ θα σ̌κίζω
Γιά το μαντίλι σ’ στείλον με
τα δάκρυ͜α μ’ να σπογγίζω

Τερώ, τερώ, ’κι φαίνεσαι,
πουθέν ’κι φανερούσαι
Άγριον κι ανημέρωτον,
ατσ̌ά ’κι θα ’μερούσαι;

Σα ραχ̌ι͜ά-ραχ̌ι͜ά λάσκουμαι,
σα παρχαρόπα μένω
Καθούμαι απάν’ σο μεσοστράτ’,
τ’ αρνόπο μ’ αναμένω

Σ’ ελάτι͜α αφκά μην κάθεσαι,
στάζ’νε τ’ ελατοκλάδι͜α
Χ̌υμίγ’ κα’ τον κατήφορον
κι έλα έμπα στην εγκάλια μ’

Πετάς, πετάς και πού θα πας;
Πού θα κονεύ’ς αρνόπο μ’;
Πέταξον κι έλα χαμελά
και ρούξον σ’ εγκαλιόπο μ’

Γλωσσάρι

Κείμενο	Επεξήγηση	Ετυμ. Ρίζα
ανημέρωτον	μη εξημερωμένο
απάν’	πάνω
αρνόπο	αρνάκι, χαϊδευτική προσφώνηση γυναίκας
ατσ̌ά	άραγε	acep/ʿaceb
αφκά	κάτω
γιά	είτε, ή	ya/yā
εγκάλια	αγκαλιά
εγκαλιόπο	αγκαλίτσα
ελάτι͜α	έλατα
ελατοκλάδι͜α	ελατόκλαδα
έμπα	(προστ.) μπες
έρχουμαι	έρχομαι
κα’	κάτω
’κι	δεν	οὐκί<οὐχί
κονεύ’ς	εγκαθίστασαι, φωλιάζεις, προσγειώνεσαι	konmak
λάσκουμαι	περιφέρομαι, τριγυρίζω, περιπλανώμαι	ἀλάομαι/ηλάσκω
’μερούσαι	(ημερούσαι) ημερεύεις, ησυχάζεις
μεσοστράτ’	μέση του δρόμου
παρχαρόπα	ορεινοί τόποι θερινής βοσκής	παρχάρια + -οπα (υποκορ.)
πέταξον	(προστ.) πέταξε
ποτάμ’	ποτάμι
πουθέν	πουθενά
ραχ̌ι͜ά	ράχες, βουνά
ρούξον	(προστ.) πέσε
σπογγίζω	σκουπίζω
στάζ’νε	στάζουνε
στείλον	(προστ.) στείλε
τερώ	κοιτώ
φανερούσαι	φανερώνεσαι
χ̌υμίγ’	(προστ.) γλίστρησε προς τα κάτω, κατολίσθαινε	χύμα
χαμελά	χαμηλά