Όπα-όπα κορτσόπα

Προβολή Τραγουδιού

Καλλιτέχνες: Φάνης Κουρουκλίδης, Χρήστος Παπαδόπουλος

Όπα-όπα, κορτσόπα,
με τα άσπρα χ̌ερόπα
Σο χορόν ολ’ σ’κωθέστεν,
τσ̌αλουμόπα ποισέστεν

Σον χορόν τα κορτσόπα,
έμορφα τσ̌ιτσ̌εκόπα
Πλουμιστά, φορεμένα,
σην σειράν τιζεμένα

Τα χ̌ερόπα παιδόπα
κρού’ν και λεν’ «όπα-όπα»
Τραγωδούν και σ̌υρίζ’νε,
«όπα-όπα» κουίζ’νε

Όλ’ εντάμαν χορέψτεν,
τα καρδόπα τουν κλέψτεν
Παλληκάρι͜α, κορτσόπα
όι! να ζουν κι «όπα-όπα»

Όπα-όπα χορέψτεν,
σ’ έναν σ’ άλλο ιέψτεν
Η ζωή θα τελείται,
ντ’ απομέν’ μας κανείται

Γλωσσάρι

Κείμενο	Επεξήγηση	Ετυμ. Ρίζα
απομέν’	απομένει
έμορφα	όμορφα
εντάμαν	μαζί
ιέψτεν	ταιριάξτε	uymak
κανείται	φτάνει, είναι αρκετό
καρδόπα	καρδούλες
κορτσόπα	κοριτσάκια
κουίζ’νε	φωνάζουν, λαλούνε, καλούνε κπ ονομαστικά
κρού’ν	χτυπούν	κρούω
όλ’	όλοι/α
παιδόπα	παιδάκια
πλουμιστά	στολισμένα, διακοσμημένα με ζωγραφιές ή κεντήματα, πολύχρωμα	pluma
ποισέστεν	(προστ.) κάνετε, φτιάξτε
σ’κωθέστεν	(προστ.) σηκωθείτε
σ̌υρίζ’νε	σφυρίζουν	σῦριγξ
τελείται	(αμτβ.) τελειώνει, εξαντλείται, μτφ. πεθαίνει
τιζεμένα	αραδιασμένα, βαλμένα στη σειρά	dizmek
τουν	τους
τραγωδούν	τραγουδάνε
τσ̌αλουμόπα	ναζάκια, σκερτσάκια	çalım
τσ̌ιτσ̌εκόπα	λουλουδάκια	çiçek
χ̌ερόπα	χεράκια
χορέψτεν	(προστ.) χορέψτε