Χρόνια πολλά, χρόνια καλά

Προβολή Τραγουδιού

Καλλιτέχνες: Κώστας Σιώπης, Φάνης Κουρουκλίδης, Χρήστος Παπαδόπουλος

Εσείς που εορτάζετεν
οσήμερον, να ζείτε!
Σα χ̌έρα̤ σουν παντέμορφα
τσ̌ιτσ̌έκια να κρατείτεν

Χρόνια πολλά, χρόνια καλά
και κάθε επιθυμία
να ’ίνεται αληθινόν!
Χαράν και ευτυχίαν!

Τα χείλα̤ πάντα να γελούν,
έμορφα, χαρεμένα
Και εκατό τα χρόνια σουν
να είν’ κι ευτυχισμένα

Χρόνια πολλά, χρόνια καλά
και κάθε επιθυμία
να ’ίνεται αληθινόν!
Χαράν και ευτυχίαν!

Τιδέν να μη νουνίζετεν,
χορόν και τραγωδίαν
Κάθαν ημέραν ’κ’ εορτά͜εις,
τον χρόνον μόνον μίαν

Χρόνια πολλά, χρόνια καλά
και κάθε επιθυμία
να ’ίνεται αληθινόν!
Χαράν και ευτυχίαν!

Γλωσσάρι

Κείμενο	Επεξήγηση	Ετυμ. Ρίζα
είν’	(για πληθ.) είναι
έμορφα	όμορφα
εορτά͜εις	γιορτάζεις
εορτάζετεν	γιορτάζετε
’ίνεται	γίνεται
’κ’	δεν	οὐκί<οὐχί
κάθαν	κάθε
κρατείτεν	κρατάτε
μίαν	μια φορά
νουνίζετεν	σκέφτεστε
οσήμερον	σήμερα
παντέμορφα	πανέμορφα
πολλά	(επίθ.) πολλά, (επίρρ.) πολύ
σουν	σας
τιδέν	τίποτα
τραγωδίαν	τραγούδι
τσ̌ιτσ̌έκια	λουλούδια	çiçek
χ̌έρα̤	χέρια
χαρεμένα	χαρούμενα