Τραντάφυλλον ’φύτεψες

Προβολή Τραγουδιού

Συνθέτες: Αγγελική Παμπουκίδου, Θόδωρος Κοτίδης

Καλλιτέχνες: Γιώργος Σιαμλίδης, Θόδωρος Κοτίδης

[Ωφ! Ωφ! Ωφ! Ωφ!]
Τραντάφυλλον ’φύτεψες
ση καρδι͜άς ι-μ’ το κεπίν
Με τ’ αχάντι͜α τ’ ’γόμωσες
γεράδες απέσ’ σην ψ̌η μ’

[Ωφ! Ωφ! Ωφ! Ωφ!]
Σην καρδι͜ά μ’ απάν’, πουλί μ’,
’κοιμούσ’νε κάθαν βραδήν
’Γνέφιζες με το πουρνόν
μ’ έναν φίλεμαν γλυκύν

[Ωφ! Ωφ! Ωφ! Ωφ!]
Έλεες με «Εντάμαν
θα γερούμε σην ζωήν»
Έφυες και επότ’σες με
ζεχίρ’ απέσ’ σο ποτήρ’

[Ωφ! Ωφ! Ωφ! Ωφ!]
’Θάρρεσα θα έχω σε,
θα είσαι πάντα τ’ εμόν
Ας σου έφυες ’κ’ εβγαίν’
ο ήλιον σον ουρανόν

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
απέσ’	μέσα
ας σου	από του, από τότε που/αφότου, από αυτό που
αχάντι͜α	αγκάθια
βραδήν	βράδυ
γεράδες	πληγές, τραύματα	yara
γερούμε	γερνάμε
γλυκύν	γλυκιά/ό
’γνέφιζες	ξυπνούσες
’γόμωσες	(εγόμωσες) γέμισες
εβγαίν’	βγαίνει
έλεες	έλεγες
εμόν	δικός/ή/ό μου	ἐμοῦ
εντάμαν	μαζί
επότ’σες	πότισες
έφυες	έφυγες
ζεχίρ’	δηλητήριο	zehir/zehr
’θάρρεσα	(εθάρρεσα) θάρρησα, πίστεψα, νόμισα
’κ’	δεν	οὐκί<οὐχί
κάθαν	κάθε
κεπίν	κήπος
’κοιμούσ’νε	κοιμόσουν
πουρνόν	πρωί, πρωινό, επαύριον
τραντάφυλλον	τριαντάφυλλο
φίλεμαν	φιλί
ψ̌η	ψυχή