Απέσ’ σην καρδία μ’

Προβολή Τραγουδιού

Καλλιτέχνες: Κώστας Σιώπης, Μιχάλης Ζερφειρίδης

Απέσ’ σην καρδία μ’
εξέρτς ντο πόνι͜α έχω;
Έλα πουλί μ’, μετ’ εμέν
ας λέω σε ντό έχω

Η καρδία μ’ κλαίει,
έντονε κομμάτια
Εγομώθεν τερτόπα
’ς σα πολλά τ’ ομμάτι͜α

Το κορμί μ’ ελύεν,
άνθρωπος ’κι ομοι͜άζω
Ας σα πολλά ντο έσυρα,
κλαίω κι αναστενάζω

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
εγομώθεν	γέμισε
ελύεν	λύθηκε, έλιωσε
έντονε	έγινε
εξέρτς	ξέρεις, γνωρίζεις
έσυρα	έσυρα, τράβηξα, έριξα
’κι	δεν	οὐκί<οὐχί
μετ’	μαζί με (με αιτιατική), με (τρόπος)
ομμάτι͜α	μάτια
πολλά	(επίθ.) πολλά, (επίρρ.) πολύ
πόνι͜α	πόνοι
’ς	(ας) από
τερτόπα	(υποκορ.) καημοί, βάσανα, στενοχώριες	dert