Έναν και μαναχόν

Προβολή Τραγουδιού

Καλλιτέχνες: Κώστας Σιώπης, Μιχάλης Ζερφειρίδης

Έναν και μαναχόν είσαι
σουμά ση γειτονία μ’
Εμπαίντς κι εβγαίντς σο ’ξώπορτον,
θα τρως και την καρδία μ’

Σουμά σ’ εσόν τ’ οσπιτόπον
δι͜αβαίνω, αντιδι͜αβαίνω
Έναν βραδήν, μικρόν πουλί μ’,
σην κάμαρη σ’ θα εμπαίνω

Σην πόρτα σ’ κλειδί γίνουμαι,
να κλείντς με και ν’ ανοί͜εις με
Ο μήνας, πουλί μ’, ’κι δι͜αβαίν’,
τα χ̌ειλόπα σ’ να δί’ς με

Γλωσσάρι

Κείμενο	Επεξήγηση	Ετυμ. Ρίζα
ανοί͜εις	ανοίγεις
αντιδι͜αβαίνω	ξαναπερνώ, πηγαινοέρχομαι
βραδήν	βράδυ
γίνουμαι	γίνομαι
δι͜αβαίν’	(για τόπο) περνάει/ώ, διασχίζει/ω, (για χρόνο) περνάει/ώ	διαβαίνω
δι͜αβαίνω	(για τόπο) περνώ, διασχίζω, (για χρόνο) περνώ	διαβαίνω
δί’ς	δίνεις
εβγαίντς	βγαίνεις
εμπαίντς	μπαίνεις
εμπαίνω	μπαίνω
εσόν	δικός/ή/ό σου
’κι	δεν	οὐκί<οὐχί
μαναχόν	(έναρθρο) μοναχός, μοναχό, (επίρρ) μόνο/μοναχά
οσπιτόπον	σπιτάκι	hospitium<hospes
σουμά	κοντά
χ̌ειλόπα	χειλάκια