Η ορφανίαν

Προβολή Τραγουδιού

Τη ορφανίας η γερὰ
καμίαν ’κι λαρούται
Αν χάντς τη μάνα σ’ και τον κύρ’-τ- σ’,
η καρδι͜ά σ’ θα ματούται

Εξέρω έν’ πολλά τρανόν
τ’ ορφανίας ο πόνον
Ατείν’ που ορφανίγανε,
ατείν’ εξέρ’νε μόνον

Μικρός ορφάνεψα κι εγώ
από μάναν και κύρην
Δύσκολα χρόνι͜α επέρασα,
’χάθεν το μεκατίρι μ’

Μικρός επέμ’να ορφανός
κι άσπρον ημέρα ’κ’ είδα
Αέτσ’ έτονε το γραφτόν,
αέτσ’ έτον η μοίρα μ’

Γλωσσάρι

Κείμενο	Επεξήγηση	Ετυμ. Ρίζα
αέτσ’	έτσι
ατείν’	αυτοί
γερὰ	πληγή, τραύμα	yara
έν’	είναι
εξέρ’νε	ξέρουν, ήξερε
επέμ’να	απόμεινα
έτον	ήταν
έτονε	ήταν
’κ’	δεν	οὐκί<οὐχί
καμίαν	ποτέ
’κι	δεν	οὐκί<οὐχί
κύρ’	πατέρα
λαρούται	γιατρεύεται, θεραπεύεται
ματούται	ματώνει
μεκατίρι	αξία (ηθική), ποσότητα, ικανότητα	(ενικ.) miḳdār/ (πληθ.) meḳādīr/mawaqīdīr
ορφανίγανε	ορφάνεψαν
πολλά	(επίθ.) πολλά, (επίρρ.) πολύ
’χάθεν	(εχάθεν) χάθηκε
χάντς	χάνεις, παύεις να έχεις, διώχνεις