Για πέει με καλόν παλληκάρ’

Προβολή Τραγουδιού

Για πέει με, καλόν παλληκάρ’,
ντό έ͜εις κι αναστενάζεις;
Ήλες είσαι είκοσ’ χρονών
κι εσύ ξάι ’κι φωτάζεις

Ποίον έν’ το παράπονο σ’;
Ντό κλαινίζ’ την καρδία σ’;
Ντό έν’ ατό εσύ ντο βάλτς
κι άλλο εμπροστά ’ς σην υεία σ’;

- Έφυεν το μικρόν τ’ αρνί μ’,
το γέλος ι-μ’ εχάθεν
Το αίμα μ’ ελιγόστεψεν
και η χαρά μ’ επάρθεν

Γλωσσάρι

Κείμενο	Επεξήγηση	Ετυμ. Ρίζα
βάλτς	βάζεις, τοποθετείς
γέλος	γέλιο, περίγελος
έ͜εις	έχεις
ελιγόστεψεν	λιγόστεψε
εμπροστά	μπροστά, πρωτύτερα
έν’	είναι
επάρθεν	πάρθηκε, αλώθηκε
έφυεν	έφυγε
εχάθεν	χάθηκε
ήλες	ήλιος
’κι	δεν	οὐκί<οὐχί
κλαινίζ’	στενοχωρώ/εί, κάνω/ει κπ να κλάψει
ξάι	καθόλου
πέει	(προστ.) πες
’ς	(ας) από
υεία	υγεία