Θα παίζω και θα τραγωδώ

Προβολή Τραγουδιού

Θα παίζω και θα τραγωδώ
τη καρδι͜άς ι-μ’ τα πόνι͜α
Εύκαιρα πώς επέρασαν
τα έμορφα τα χρόνι͜α
Ν’ αηλί εμέν, μανίτσα μ’!

Κρού’νε σο νου μ’ τα παλαιά μ’
και πώς να μη λυπούμαι;
Γομούνταν τ’ ομματόπα μου
εγώ όντες θυμούμαι
Ν’ αηλί εμέν, μανίτσα μ’!

Ατώρα εβαρεκάρδι͜ασα,
τον εαυτό μ’ εφέκα
Για τ’ όλι͜α τ’ εγκόσμια
σοι νέοις σειράν εδέκα
Ν’ αηλί εμέν, μανίτσα μ’!

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
ατώρα	τώρα
γομούνταν	γεμίζουν, βουρκώνουν, κομπιάζουν
εβαρεκάρδι͜ασα	βάρυνε η καρδιά μου, στενοχωρέθηκα
εδέκα	έδωσα
έμορφα	όμορφα
εύκαιρα	άδεια, χωρίς περιεχόμενο/νόημα, ανούσια, μτφ. ανοησίες, (ουσ. τα) τα μαλακά μέρη της κοιλίας, βουβώνας
εφέκα	άφησα
θυμούμαι	θυμάμαι
κρού’νε	χτυπούν	κρούω
κρού’νε σο νου μ’	έρχονται στο νου μου/στη σκέψη μου	κρούω
λυπούμαι	λυπάμαι
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
νέοις	νέους
ομματόπα	ματάκια
όντες	όταν
πόνι͜α	πόνοι
σοι	στους/στις, τους/τις
τραγωδώ	τραγουδάω