Προβολή Τραγουδιού

Αναμένω σε

Αναμένω, αναμένω
και ’κι φαίνεσαι
Ετυράνντσες το καρδόπο μ’,
να εντρέπεσαι

Όθεν είσαι, άφ’ς κι οφύγον
κι έλα μετ’εμέν
Τ’ εγκαλιόπο μ’ ανοιχτόν έν’,
εσέν αναμέν’

Για τ’ εσόν το χατιρόπον
γίνουμαι χαλί
Γιάμ’ κάτ’ είπα κι εχολιάστες
και κρατείς χολή;

Ανάσπαλον α’, πουλόπο μ’,
κι έλα μετ’ εμέν
Τ’ εγκαλιόπο μ’ ανοιχτόν έν’,
εσέν αναμέν’

Η ζωή εμουν ολίγον,
νούντσον α’ καλά
Σ̌κίσον κι έλα μετ’ εμέναν,
μ’ ευτάς παλαλά

Ους να εγροικάς α’ φεύ’νε
τα χρονόπα μουν
Καμπουρών’νε και ζαρών’νε
τα κορμόπα μουν

Τα χρονόπα μουν διαβαίν’νε,
οπίσ’ ’κ’ ερχούντανε
Έλα, έμπα σ’ εγκαλιόπο μ’,
εσέν να χουλέν’

Όθεν είσαι, άφ’ς κι οφύγον
κι έλα μετ’ εμέν
Τ’ εγκαλιόπο μ’ ανοιχτόν έν’,
εσέν αναμέν’

Γλωσσάρι

Κείμενο	Επεξήγηση	Ετυμ. Ρίζα
α’	(ατό) αυτό, το
αναμέν’	περιμένει
ανάσπαλον	ξέχασε (προστ.)
άφ’ς	άφησε (προστ.)
γιάμ’	μήπως, ή μη	ya/yā + μη
γίνουμαι	γίνομαι
εγκαλιόπο	αγκαλίτσα
εγροικάς	καταλαβαίνεις
εμουν	μας
έμπα	μπες (προστ.)
έν’	είναι
εσόν	δικός/ή/ό σου
ετυράνντσες	τυράννησες, ταλαιπώρησες
ευτάς	κάνεις, φτιάχνεις	εὐθειάζω
εχολιάστες	θύμωσες
ζαρών’νε	στραβώνουν
’κ’	δεν	ουκί<οὐχί
καρδόπο	καρδούλα
’κι	δεν	ουκί<οὐχί
κορμόπα	κορμάκια
μετ’	μαζί με (με αιτιατική), με (τρόπος)
μουν	μας
νούντσον	σκέψου (προστ.)
όθεν	όπου, οπουδήποτε, σε όποιον
οπίσ’	πίσω
ους	ως, μέχρι
οφύγον	φύγε (προστ.)
παλαλά	τρελά, τρέλες
πουλόπο	πουλάκι
φεύ’νε	φεύγουν
χολή	θυμός
χουλέν’	ζεσταίνει, θερμαίνει
χρονόπα	χρονάκια