Προβολή Τραγουδιού
Να δι͜αβαίνω πλάν |
Καράβ’ σην Μαύρην ΘάλασσανΣτιχουργοί: Γιάννης Μιχαηλίδης
Συνθέτες: Στάθης Νικολαΐδης
Καλλιτέχνες: Θεόδωρος Βεροιώτης, Στάθης Νικολαΐδης
Εχπάστα να δι͜αβαίνω πλάν, έγκε με το τσ̌ακέτον Ετέρεσα ολόερα, η μάνα τ’ς πουδέν ’κ’ έτον Εφίλεσα ’τεν δεύτερον, εθέλ’νεν αλλομίαν Τ’ ομμάτι͜α τ’ς είχαν άψιμον, τα χ̌ειλόπα τ’ς φωτίαν Μόνον ο φέγγον είδε μας, ατός πα εχπαράεν Άλλο ’κ’ επόρεσεν να στέκ’, σα λίβι͜α εταράεν Επαρακάλ’να τον Θεόν, ατέ πα μετ’ εμέναν Άλλο να μη εμέρωνε, σ’ οσπίτ’ να μη επέγ̆’να Με τα γλυκά φιλέματα σ’ ας έτον έναν κι άλλο Η μέραν εβασίλεψεν, παραλαλώ και πάγω
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αλλομίαν | άλλη μια φορά | ||
| ατέ | αυτή | ||
| ατός | αυτός | ||
| άψιμον | φωτιά | ||
| δι͜αβαίνω | (για τόπο) περνώ, διασχίζω, (για χρόνο) περνώ | διαβαίνω | |
| έγκε | έφερε | ||
| εθέλ’νεν | ήθελε | ||
| εμέρωνε | ξημέρωνε | ||
| έναν κι άλλο | άλλο ένα, ένα ακόμη | ||
| επαρακάλ’να | παρακαλούσα | ||
| επέγ̆’να | πήγαινα | ||
| επόρεσεν | μπόρεσε | ||
| εταράεν | ταράχθηκε, ανακατεύτηκε, αναμίχθηκε | ταράσσω | |
| ετέρεσα | κοίταξα | ||
| έτον | ήταν | ||
| εφίλεσα | φίλησα | ||
| εχπαράεν | (αμτβ) τρόμαξε, ξαφνιάστηκε | ||
| εχπάστα | αναχώρησα, κίνησα για | ||
| ’κ’ | δεν | οὐκί<οὐχί | |
| λίβι͜α | σύννεφα | λίβος<λείβω | |
| μετ’ | μαζί με (με αιτιατική), με (τρόπος) | ||
| ολόερα | ολόγυρα | ||
| ομμάτι͜α | μάτια | ||
| οσπίτ’ | σπίτι | hospitium<hospes | |
| πα | πάλι, επίσης, ακόμα | ||
| παραλαλώ | παραμιλώ | ||
| πλάν | πλάι, πλαϊνό/ παρακείμενο μέρος, παραπέρα | ||
| πουδέν | πουθενά | ||
| ’τεν | αυτήν | ||
| τσ̌ακέτον | ζακέτα | ceket<jaquette | |
| φέγγον | φεγγάρι | ||
| φιλέματα | φιλιά | ||
| χ̌ειλόπα | χειλάκια |
