Προβολή Τραγουδιού
Η ζωή μ’ |
Το μυστικό μ’Στιχουργοί: Κωνσταντίνος Ανδρεάδης
Συνθέτες: Φίλιππος Κεσαπίδης
Καλλιτέχνες: Παναγιώτης Θεοδωρίδης, Φίλιππος Κεσαπίδης
Σην εγκάλι͜α μ’ έχω σε και φωτάζ’ ο πρόσωπο μ’ Είσαι εσύ τ’ εμόν το έναν, η ζωή μ’ και -ν- ο κόσμο μ’ Ε! Χριστέ μ’ και Παναΐα μ’, τέρεν πώς τρομάζ’ τ’ απάν’ ι-μ’! Όντες είσαι μετ’ εμέναν πάντα ευρήκω το τερμάνι μ’ Ποδεδίζω τον Χριστό σ’, έμορφον μικρίτικον! Παρακαλώ τον Θεόν πάντα να είσαι τ’ εμόν Ε! Χριστέ μ’ και Παναΐα μ’, τέρεν πώς τρομάζ’ τ’ απάν’ ι-μ’! Όντες είσαι μετ’ εμέναν πάντα ευρήκω το τερμάνι μ’ Σην εγκάλια μ’ έχω σε και όλια τα τέρτι͜α μ’ βζήνω Χάν’ντανε όλια τα πόνι͜α μ’ κι άλλο δάκρυ͜α ’κι ’κχ̌ύνω Ε! Χριστέ μ’ και Παναΐα μ’, τέρεν πώς τρομάζ’ τ’ απάν’ ι-μ’! Όντες είσαι μετ’ εμέναν πάντα ευρήκω το τερμάνι μ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| απάν’ | πάνω | ||
| βζήνω | σβήνω | ||
| εγκάλι͜α | αγκαλιά | ||
| εγκάλια | αγκαλιά | ||
| εμόν | δικός/ή/ό μου | ἐμοῦ | |
| έμορφον | όμορφο | ||
| ευρήκω | βρίσκω | ||
| ’κι | δεν | οὐκί<οὐχί | |
| ’κχ̌ύνω | εκχύνω, χύνω, εκβάλλω | εκχύνω<ἐγχέω< ἐν + χέω | |
| μετ’ | μαζί με (με αιτιατική), με (τρόπος) | ||
| μικρίτικον | μικρούλικο/α | ||
| όλια | όλα | ||
| όντες | όταν | ||
| Παναΐα | Παναγιά | ||
| ποδεδίζω | (ενεργ. και μέση) χαίρομαι, απολαμβάνω, προσκυνώ | από+δέδιν (<δείδω=φοβάμαι, ανησυχώ) | |
| πόνι͜α | πόνοι | ||
| τέρεν | (προστ.) κοίταξε | ||
| τερμάνι | θεραπεία, δύναμη, μτφ. λύση | derman/dermān | |
| τέρτι͜α | καημοί, βάσανα, στενοχώριες | dert | |
| τρομάζ’ | τρέμει | ||
| φωτάζ’ | φωτίζει, λάμπει | ||
| χάν’ντανε | χάνονται, διώχνονται |
