Προβολή Τραγουδιού

Εγώ είμαι ασ’ σην Γαλίαιναν

Εγώ είμαι ας σην Γαλίαιναν,
’ς σ’ έναν καλόν χωρίον
Έπαρ’ με σ’ εγκαλιόπο σου,
επέθανα ας σον κρύον

Τ’ αρνόπο μ’, ας σα Πλάτανα
κι εγώ ας σην Τραπεζούνταν
Τ’ εμά τ’ ομμάτι͜α όντες τερούν
τ’ εσά, δάκρυ͜α γομούνταν

Και -ν- έικιτι Γαλίαινα
που είχ̌εν νερόπα κρύα
Εκεί πολλά, παντέμορφα,
κορτσόπα μερακλία

Εγώ είμαι ας σην Γαλίαιναν,
χωρίον Λειβαδέτ’κον
Πρώτα -ν- έμ’νε καλόν παιδίν,
ατώρα είμαι ναλέτ’κον

Γλωσσάρι

Κείμενο	Επεξήγηση	Ετυμ. Ρίζα
αρνόπο	αρνάκι, χαϊδευτική προσφώνηση γυναίκας
ατώρα	τώρα
γομούνταν	γεμίζουν, βουρκώνουν, κομπιάζουν
εγκαλιόπο	αγκαλίτσα
έικιτι	έκφραση αναπόλησης που υποδηλώνει νοσταλγία για κάτι παρελθοντικό ή εκδήλωση συμπόνοιας για κάποιον	hey gidi
εμά	δικά μου
έμ’νε	ήμουν
έπαρ’	πάρε (προστ.)
εσά	δικά σου/σας
κορτσόπα	κοριτσάκια
μερακλία	με μεράκι, με ιδιαίτερο ζήλο	meraklı/merāḳ
ναλέτ’κον	ανάξιο, άχρηστο	na-layik
ομμάτι͜α	μάτια
όντες	όταν
πολλά	πολλά (επίθ.), πολύ (επίρ.)
’ς	(ας) από
τερούν	κοιτούν