Αν αποθάνω

Προβολή Τραγουδιού

Αν αποθάνω, γιαβρόπο μ’,
φόρ’ το μαύρον το τσ̌ίτι σ’
Ωρι͜άσον τυραννίεσαι
και πας κολλί͜εις τ’ οσπίτι σ’

Αν αποθάνω ξάι μη κλαις,
ξάι μη τρως την καρδία σ’
Κλάψον με ατώρα ζωντανόν
και φτούλτσον / σύρον τα μαλλία σ’

Και με το κεμεντζ̌όπο μου
σον Άδ’ θα κατηβαίνω
Εκεί παραπονέματα,
ένα βράδον ’κι μένω

Γλωσσάρι

Κείμενο	Επεξήγηση	Ετυμ. Ρίζα
αποθάνω	πεθαίνω
ατώρα	τώρα
βράδον	βράδυ
γιαβρόπο	μωράκι, μικρούλι, παιδάκι	yavru + -όπον
κατηβαίνω	κατεβαίνω
κεμεντζ̌όπο	(υποκορ.) λύρα	kemençe/kemānçe
’κι	δεν	οὐκί<οὐχί
κλάψον	(προστ.) κλάψε
κολλί͜εις	βάζεις φωτιά, καταστρέφεις, κολλάς, πήζεις το γάλα για να γίνει γιαούρτι/τυρί, (επί ανθρώπου) ονοματίζεις
ξάι	καθόλου
οσπίτι	σπίτι	hospitium<hospes
παραπονέματα	παράπονα
σύρον	(προστ.) σύρε, τράβα, ρίξε
τσ̌ίτι	μαντίλι κεφαλής	çit
τυραννίεσαι	τυραννιέσαι, ταλαιπωριέσαι
φόρ’	(προστ.) φόρεσε
φτούλτσον	(προστ.) μάδησε, ξεπουπούλισε	πτίλον
ωρι͜άσον	(προστ.) πρόσεξε, φύλαξε, φυλάξου