Ση Χάλκοβας τα στράτας

Προβολή Τραγουδιού

Δεντρόν εμοιρολόγανεν
ση Χάλκοβας¹ τα στράτας
Τ’ οσπίτι͜α ντ’ ερημώθανε
και τα πεγαδομμάτι͜α

-Ση ρίζα μ’ επεκούμπιζαν
αγούρι͜α και κορτσόπα
κι ας ση χαράν επέταναν
άμον τ’ Απρίλ’ πουλόπα

Γέλ’τα και κελαηδίσματα
’δούν’ναν χαράν σο ψ̌όπο μ’
Κι ατώρα επέμ’να μαναχόν
σ’ ευλοημένον τόπον

-Δεντρόπο μ’, μη μαραίνεσαι,
γεράν μη φέρτς καμίαν
Θα κλώσκουντανε τ’ εμετέρ’
κι εσύ θα φέρτς κλαδία

Γλωσσάρι

Κείμενο	Επεξήγηση	Ετυμ. Ρίζα
αγούρι͜α	αγόρια νέα
άμον	σαν, όπως, καθώς	ἅμα
ατώρα	τώρα
γέλ’τα	γέλια
γεράν	πληγή, τραύμα	yara
δεντρόπο	δεντράκι
’δούν’ναν	(εδούν’ναν) έδιναν
εμετέρ’	δικοί μου/μας	ἡμέτερος
εμοιρολόγανεν	μοιρολογούσε
επεκούμπιζαν	ακουμπούσαν, στηρίζονταν
επέμ’να	απόμεινα
επέταναν	πετούσαν
ερημώθανε	ερημώθηκαν
ευλοημένον	ευλογημένο
καμίαν	ποτέ
κλώσκουντανε	γυρίζουν, επιστρέφουν
κορτσόπα	κοριτσάκια
μαναχόν	(έναρθρο) μοναχός, μοναχό, (επίρρ) μόνο/μοναχά
οσπίτι͜α	σπίτια	hospitium<hospes
πεγαδομμάτι͜α	πηγές νερού
πουλόπα	πουλάκια
στράτας	(ονομ.) δρόμοι, (αιτ.) δρόμους
φέρτς	φέρεις, φέρνεις
ψ̌όπο	ψυχούλα

Σημειώσεις

¹ Τοπωνύμιο κορυφής ανάμεσα στον Διπόταμο και Κεχρόκαμπο Καβάλας