Θα χτίζω έναν κιβωτόν

Προβολή Τραγουδιού

Καλλιτέχνες: Γιώργος Ατματσίδης, Στάθης Νικολαΐδης

Ελέπω τον κατακλυσμόν
ντο έρ’ται ας σην κακίαν
Θα παίρω τ’ ομματόπα μου
και φεύω, κοινωνία

Θα χτίζω έναν κιβωτόν,
νουνίζω ντό θα παίρω
Τιδέν καλόν ’κ’ εύρα ση γην
και μαναχός θα φεύω

Εχάθαν όλα τα καλά,
πάγ’νε τα ανθρωπίας
Κόσμε, εχάσετεν τη φως
και τη φωτογραφίας

Θα χτίζω έναν κιβωτόν,
νουνίζω ντό θα παίρω
Τιδέν καλόν ’κ’ εύρα ση γην
και μαναχός θα φεύω

Μανάχον δηλητήριον
καπνίζ’νε όλα τα τζ̌άκια
Νεφές, νερόν, ψωμίν ένταν
όλα ση γην φαρμάκια

Θα χτίζω έναν κιβωτόν,
νουνίζω ντό θα παίρω
Τιδέν καλόν ’κ’ εύρα ση γην
και μαναχός θα φεύω

Γλωσσάρι

Κείμενο	Επεξήγηση	Ετυμ. Ρίζα
ανθρωπίας	(ον. πληθ.,τα) ανθρωπιές, πράξεις ανθρωπιάς
ας σην	απ’ την	ασό σην (από την)
ελέπω	βλέπω
ένταν	έγιναν
έρ’ται	έρχεται
εύρα	βρήκα, (ιδιωμ. προστ.) βρες
εχάθαν	χάθηκαν
εχάσετεν	χάσατε
’κ’	δεν	οὐκί<οὐχί
μανάχον	(έναρθρο) μοναχός, μοναχό, (επίρρ) μόνο/μοναχά
μαναχός	μοναχός, μόνος
νεφές	αναπνοή	nefes
νουνίζω	σκέφτομαι
ομματόπα	ματάκια
πάγ’νε	πηγαίνουν, έφυγαν, πάνε
παίρω	παίρνω
τιδέν	τίποτα
φεύω	φεύγω
φωτογραφίας	(ον.πληθ.,τα) φωτογραφίες