Ποίστε με έναν ψηλοπούλ’

Προβολή Τραγουδιού

Καλλιτέχνες: Γιώργος Ατματσίδης, Στάθης Νικολαΐδης

expand_content

Ορμάνι͜α μ’, ραχ̌οκέφαλα
και σεις πεγαδομμάτι͜α μ’,
την ψ̌η μ’ τάμαν εποίκα σας
και την καρδι͜ά μ’ κομμάτι͜α

Ποίστε με -ν- έναν ψηλοπούλ’,
έναν μικρόν πουλόπον
Να ζω με τη ζωήν εσουν
και χ̌αίρεται το ψ̌όπο μ’

Να ζω με τ’ άγρι͜α τα βουνά,
με τ’ αηδονί’ λαλίαν
κι ας είμαι ψηλοπούλ’ ξερόν
σ’ ορμανί’ τα κλαδία

Ποίστε με -ν- έναν ψηλοπούλ’,
έναν μικρόν πουλόπον
Να ζω με τη ζωήν εσουν
και χ̌αίρεται το ψ̌όπο μ’

Ραχ̌όπα, τα τερτόπα μου
αφήνω σα κεπία σ’
και με τη ψ̌ης ι-μ’ το τερμάν’
παίρω ας ση μυρωδία σ’

Ποίστε με -ν- έναν ψηλοπούλ’,
έναν μικρόν πουλόπον
Να ζω με τη ζωήν εσουν
και χ̌αίρεται το ψ̌όπο μ’

Και σα στερνά τα ώρας ι-μ’
βάλτε με σην εβόραν
Δέξτεν τα πικρασέας ι-μ’,
γλυκύν ποίστεν την ώραν

Ποίστε με -ν- έναν ψηλοπούλ’,
έναν μικρόν πουλόπον
Να ζω με τη ζωήν εσουν
και χ̌αίρεται το ψ̌όπο μ’

Γλωσσάρι

Κείμενο	Επεξήγηση	Ετυμ. Ρίζα
αηδονί’	αηδονιού
γλυκύν	γλυκιά/ό
δέξτεν	(προστ.) διώξτε
εβόραν	σκιά
εποίκα	έκανα, έφτιαξα	ποιέω-ῶ
εσουν	σας
κεπία	(ον.) κήποι, (αιτ.) κήπους
λαλίαν	λαλιά, φωνή
ορμανί’	δάσους	orman
ορμάνι͜α	δάση	orman
παίρω	παίρνω
πεγαδομμάτι͜α	πηγές νερού
πικρασέας	πίκρες, πικράδες
ποίστε	(προστ.) κάντε, φτιάξτε	ποιέω, ποιῶ
ποίστεν	(προστ.) κάντε, φτιάξτε	ποιέω-ῶ
πουλόπον	πουλάκι
ραχ̌οκέφαλα	κορφές βουνών
ραχ̌όπα	ραχούλες, βουνά
τερμάν’	θεραπεία, δύναμη, μτφ. λύση	derman/dermān
τερτόπα	(υποκορ.) καημοί, βάσανα, στενοχώριες	dert
ψ̌η	ψυχή
ψ̌ης	ψυχής
ψ̌όπο	ψυχούλα
ώρας	ώρες