Ζει ο Πόντον!

Προβολή Τραγουδιού

Καλλιτέχνες: Γιώργος Ατματσίδης, Μπάμπης Κεμανετζίδης, Στάθης Νικολαΐδης

Όλ’ να σκοτούμες για τ’ εσέν,
σα χώματα να κείμες,
εσύ, πατρίδα μουν θα ζεις,
εμείς πα να μη είμες

Ζει ο Πόντον! Ζει ο Πόντον!
κι ας σκοτούμες όλ’ εμείς
Είνας Πόντιος κανείται
για να παίρ’ α̤τον οπίσ’

Όσα σον κόσμον είν’ τ’ εσά
τα άξια παιδία σ’
Σ’ ατόσα ζεις, ’κι θ’ αποθάντς,
ποντιακά καρδίας

Ζει ο Πόντον! Ζει ο Πόντον!
κι ας σκοτούμες όλ’ εμείς
Είνας Πόντιος κανείται
για να παίρ’ α̤τον οπίσ’

Ο νους εμουν πάντα σ’ εσέν
και σ’ άλλα τόπι͜α ζούμε
Εσέν απέσ’ σο ψ̌όπο μουν
με τον Χριστόν κρατούμε

Ζει ο Πόντον! Ζει ο Πόντον!
κι όλ’ να χάμες ας ση γην
Είνας Πόντιος κανείται
να τσ̌αΐζ’ «Ο Πόντον ζει!»

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
αποθάντς	πεθάνεις
είμες	είμαστε
είν’	(για πληθ.) είναι
είνας	ένας/μία
εμουν	μας
εσά	δικά σου/σας
κανείται	φτάνει, είναι αρκετό
καρδίας	(τη, γεν.) καρδιάς, (τα, ονομ. πληθ.) καρδιές
κείμες	κειτόμαστε, ξαπλώνουμε
’κι	δεν	οὐκί<οὐχί
μουν	μας
όλ’	όλοι/α
οπίσ’	πίσω
όσα	όσες φορές
πα	πάλι, επίσης, ακόμα
παιδία	παιδιά
παίρ’	παίρνω/ει
σκοτούμες	σκοτωνόμαστε
τόπι͜α	τόποι, μέρη
τσ̌αΐζ’	φωνάζω/ει, επιπλήττω/ει
χάμες	χανόμαστε, μτφ. πεθαίνουμε
ψ̌όπο	ψυχούλα