Λιθάρ’-λιθάρ’ θα χτίζομε

Προβολή Τραγουδιού

Καλλιτέχνες: Μπάμπης Κεμανετζίδης, Στάθης Νικολαΐδης

Ενώθαν όλοι οι Πόντιοι
και μετ’ έναν καρδίαν
σα Πετρωτά Κομοτηνής
να χτίζ’νε πολιτείαν

Με τη Αϊ-Ευγένιου
πάντα την ευλοΐαν
λιθάρ’ - λιθάρ’ θα χτίζομε,
εμείς τη Ρωμανίαν

Ατό το μέρος τ’ έμορφον
άμον ντο έν’ ο Πόντον
Θα έχομε ενθύμιον
έναν ρωμαίικον τόπον

Με τη Αϊ-Ευγένιου
πάντα την ευλοΐαν
λιθάρ’ - λιθάρ’ θα χτίζομε,
εμείς τη Ρωμανίαν
λιθάρ’ - λιθάρ’ θα χτίζομε
τη νέα Ρωμανίαν

Άξιος που ετράνυνες
τη Τρίχας το γεφύρι
κι ένωσες τα μουράτι͜α μουν,
εσύ, Χαραλαμπίδη

Με τη Αϊ-Ευγένιου
πάντα την ευλοΐαν
λιθάρ’ - λιθάρ’ θα χτίζομε,
εμείς τη Ρωμανίαν
λιθάρ’ - λιθάρ’ θα χτίζομε
τη νέα Ρωμανίαν

Μπάμπη Κεμανετζίδη, γουρπάν’ το μετερλίδικο το παίξιμον

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
γουρπάν’	θυσία	kurban/ḳurbān
έμορφον	όμορφο
έν’	είναι
ενώθαν	ενώθηκαν
ετράνυνες	μεγάλωσες, ανατράφηκες	τρανόω-ῶ
ευλοΐαν	ευλογία
έχομε	έχουμε
λιθάρ’	λιθάρι, πέτρα
μετ’	μαζί με (με αιτιατική), με (τρόπος)
μουν	μας
μουράτι͜α	επιθυμίες, πόθοι	murat/murād
ρωμαίικον	αυτό που είναι των Ρωμιών, ελληνικό
χτίζ’νε	χτίζουν
χτίζομε	χτίζουμε