Ντο έν’ θαρρείτε η ζωή;

Προβολή Τραγουδιού

Καλλιτέχνες: Γιώργος Ατματσίδης, Μπάμπης Κεμανετζίδης, Στάθης Νικολαΐδης

Με τα ολίγα εσύ πορεύτ’
και να φεύ’ς χορτασμένος
Άμον χορός έν’ η ζωή
που έχ̌’ αρχήν και τέλος

Ντό έν’ θαρρείτε η ζωή;
Κοντόν και ’κι κανείται
Έναν ομάλ’, νε άνθρωπε,
που αργά-αργά τελείται

Μπροστά χορεύ’ς και χ̌αίρεσαι
που είσαι ακόμα νέος
Και σην σειράν ευρίεσαι
ύστερα τελευταίος

Ντό έν’ θαρρείτε η ζωή;
Κοντόν και ’κι κανείται
Έναν ομάλ’, νε άνθρωπε,
που αργά-αργά τελείται

Ε! άνθρωπε, όλα να παίρτς
εσύ θα θέλτς ακόμαν
Τ’ ομμάτι͜α σ’ θα χορτάγουνταν
μετ’ έναν βούραν χώμαν

Ντό έν’ θαρρείτε η ζωή;
Κοντόν και ’κι κανείται
Έναν ομάλ’, νε άνθρωπε,
που αργά-αργά τελείται

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
βούραν	χούφτα	vola=η παλάμη του χεριού ή το πέλμα του ποδιού
έν’	είναι
ευρίεσαι	βρίσκεσαι
έχ̌’	έχει
θέλτς	θέλεις
κανείται	φτάνει, είναι αρκετό
’κι	δεν	οὐκί<οὐχί
μετ’	μαζί με (με αιτιατική), με (τρόπος)
ομάλ’	ομαλό, ευθεία, πεδιάδα, ονομασία ποντιακού χορού
ομμάτι͜α	μάτια
παίρτς	παίρνεις
πορεύτ’	(προστ.) πορεύσου
τελείται	(αμτβ.) τελειώνει, εξαντλείται, μτφ. πεθαίνει
φεύ’ς	φεύγεις
χορεύ’ς	χορεύεις
χορτάγουνταν	χορταίνονται