Το κορτσόπο σ’ θειίτσα

Προβολή Τραγουδιού

Καλλιτέχνες: Γιώργος Πιπερίδης, Κώστας Πιπερίδης, Μπάμπης Κεμανετζίδης, Στάθης Τσαρχατζίδης, Φάνης Κουρουκλίδης, Χρήστος Παπαδόπουλος

Το κορτσόπο σ’, θειίτσα μ’,
τ’ εμόν η τρυγονίτσα
έφαεν την καρδία μ’,
έσπρυναν τα μαλλία μ’

Απαγκέσ’ σα κλαδόπα
χ̌αίρουνταν τα πουλόπα
Κελαηδούν και πετούνε,
εγροικούν κι αγαπούνε

Τραγωδώ, σταματούνε,
για τ’ εμέν ερωτούνε
Μαναχόν κέσ’ σ’ ορμάνι͜α
με βρεχ̌ήν και ποράνι͜α

Σο πεγάδ’ κουβαλείς με
και νερόν ’κι ποτί͜εις με
Έρχουμαι, λες με «οφύγον»,
’κι ποτί͜εις με -ν- ολίγον

Πότε μ’ έρ’ται η στερέα μ’,
το λιμάν’, η φωλέα μ’;
Την εγάπη μ’ αν χάνω,
εθαρρώ θ’ αποθάνω

Γλωσσάρι

Κείμενο	Επεξήγηση	Ετυμ. Ρίζα
απαγκέσ’	πάνω εκεί πέρα
αποθάνω	πεθαίνω
βρεχ̌ήν	βροχή
εγάπη	αγάπη
εγροικούν	καταλαβαίνουν
εθαρρώ	θαρρώ, νομίζω, υποθέτω
εμόν	δικός/ή/ό μου	ἐμοῦ
έρ’ται	έρχεται
έρχουμαι	έρχομαι
ερωτούνε	ρωτάνε
έσπρυναν	άσπρισαν
έφαεν	έφαγε
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
’κι	δεν	οὐκί<οὐχί
κλαδόπα	κλαδάκια
κορτσόπο	κοριτσάκι
μαναχόν	(έναρθρο) μοναχός, μοναχό, (επίρρ) μόνο/μοναχά
ορμάνι͜α	δάση	orman
οφύγον	(προστ.) φύγε
πεγάδ’	βρύση
ποράνι͜α	μπόρες, καταιγίδες	boran<βενετ. bora<λατ. Boreas <Βορέας (αντιδάνειο)
ποτί͜εις	ποτίζεις, δίνεις σε κπ να πιει
πουλόπα	πουλάκια
στερέα	στήριγμα
τραγωδώ	τραγουδάω
τρυγονίτσα	(υποκορ.) το πουλί τρυγόνι, χαϊδευτική προσφώνηση γυναίκας
φωλέα	φωλιά
χ̌αίρουνταν	χαίρονται