Η κόρ’ επήεν σον παρχάρ’

Προβολή Τραγουδιού

Καλλιτέχνες: Θόδωρος Παυλίδης, Παναγιώτης Ασλανίδης

Η κόρ’ επήεν σον παρχάρ’
[Έι! πουλί μ’, πουλί μ’!]
να ’ίνεται ρομάνα
[Έλα, έλα λέγω σε!]
και για τ’ ατέν θα ’ίνουμαι -ν
[Έι! πουλί μ’, πουλί μ’!]
και κυνηγός σ’ ορμάνι͜α
[Έλα, έλα λέγω σε!]
και κυνηγός σ’ ορμάνι͜α
[Κατί, κατί λες και τιδέν;]
και κυνηγός σ’ ορμάνι͜α
[Έλα, έλα λέγω σε!]

Ορμάνι͜α μ’, τα ψηλόπουλα σ’
[Έι! πουλί μ’, πουλί μ’!]
ντ’ έμορφα κελαηδούνε!
[Έλα, έλα λέγω σε!]
Ας κλαίγ’νε εμέναν τον καρίπ’
[Έι! πουλί μ’, πουλί μ’!]
τα δέντρα όντες ανθούνε
[Έλα, έλα λέγω σε!]
τα δέντρα όντες ανθούνε
[Κατί, κατί λες και τιδέν;]
τα δέντρα όντες ανθούνε
[Έλα, έλα λέγω σε!]

Ρομάνες, όντες πάτε και σ’ ορμάν’,
[Έι! πουλί μ’, πουλί μ’!]
σωστά δουλείας ποίστεν
[Έλα, έλα λέγω σε!]
Όντες θ’ ευτάτεν ’θόγαλαν
[Έι! πουλί μ’, πουλί μ’!]
το μερτικό μ’ αφήστε
[Έλα, έλα λέγω σε!]
το μερτικό μ’ αφήστε
[Κατί, κατί λες και τιδέν;]
το μερτικό μ’ αφήστε
[Έλα, έλα λέγω σε!]

Γλωσσάρι

Κείμενο	Επεξήγηση	Ετυμ. Ρίζα
ατέν	αυτήν
δουλείας	(ονομ. πληθ.) δουλειές, (γεν. ενικ.) δουλειάς
έμορφα	όμορφα
επήεν	πήγε
ευτάτεν	κάνετε, φτιάχνετε	εὐθειάζω
’θόγαλαν	ανθόγαλο, λιπαρή ουσία σαν αφρός που εμφανίζεται στην επιφάνεια του γάλακτος, όταν αυτό βράσει
’ίνεται	γίνεται
’ίνουμαι	γίνομαι
καρίπ’	μοναχικό, ορφανό, εξαθλιωμένο	garip/ġarīb
κατί	γιατί δεν
κλαίγ’νε	κλαίνε
όντες	όταν
ορμάν’	δάσος	orman
ορμάνι͜α	δάση	orman
παρχάρ’	ορεινός τόπος θερινής βοσκής
ποίστεν	(προστ.) κάντε, φτιάξτε	ποιέω-ῶ
ρομάνα	παρχαρομάνα, γυναίκα επιφορτισμένη με την επιμέλεια των ζώων και άλλες γαλακτοκομικές εργασίες στο παρχάρι (θερινό βοσκοτόπι)
ρομάνες	παρχαρομάνες, γυναίκες επιφορτισμένες με την επιμέλεια των ζώων και άλλες γαλακτοκομικές εργασίες στο παρχάρι (θερινό βοσκοτόπι)
τιδέν	τίποτα