Ποντιακός Στίχος

Προβολή Τραγουδιού

Κατεβάστε τους στίχους σε PDF

Το σόι μ’ και η καπιλέ μ’/Τον σεβνταλήν

Τη πεθεράς ι-μ’ το κορίτσ’Τη πεθεράς ι-μ’ το κορίτσ’

Στιχουργοί: Ανέστης Μωυσής

Συνθέτες: Ανέστης Μωυσής

Καλλιτέχνες: Ανέστης Μωυσής, Γιάννης Μωυσίδης


Το σόι μ’ και η καπιλέ μ’
καλοέρ’ και ποπάδες
Εγώ τίναν ομοίασα,
αγαπώ τοι νυφάδες;

Κορίτσ’, σο κρεβάτ’ ντο κείσαι
να ρούζ’ και να τσακούται
Εσύ τιδέν να μη παθάντς,
άντρας ι-σ’ να σκοτούται

Νύχταν ημέρα λάσκουμαι,
αρ’ οξ̌ουκέσ’ ’κι μένω
Σουμά σα ξημερώματα
ας σ’ εγκαλόπα εβγαίνω

Επαρακάλ’νεν κι έλεεν
«Γουρπάν’ ι-σ’ μη φιλείς με
Θα μεθείς, θα τραγωδείς ατο,
σον κύρη μ’ παραδί͜εις με
Μεθείς και τραγωδείς ατο,
σον κύρη μ’ παραδί͜εις με»

♫ 

Το ρακίν πίν’ ατο οι πεκιάρ’,
πίν’ α’ κι οι παντρεμένοι
Πίν’ ατο και οι σεβνταλήδες
ντο είν’ άμον εμέν -ι

Τον σεβνταλήν τον άνθρωπον
μη λέτε καλημέρα
Ατός ’κι ’ξέρ’ πότε νυχτών’
και πότε έν’ ημέρα

Νασάν εκείνεν τη μάνα
που έχ̌’ πολλά παιδία
Τυλίουνταν σην γούλαν ατ’ς
άμον κωσσούς πουλία

Θεέ μ’, το τσ̌ουροπέγαδο σ’
καμίαν μη τσουρούται
Να έρ’ται πίν’ τ’ εμόν τ’ αρνίν,
ατό να μη λιγούται
Γλωσσάρι
ΚείμενοΕπεξήγησηΕτυμ. ΡίζαΠροέλευση
α’(ατό) αυτό, το
άμονσαν, όπως, καθώς
ας σ’(ας σου) από του, από τότε που/αφότου, (ας σο) από το/τα
ατόςαυτός
ατ’ςαυτής, της
γούλανλαιμό gula
γουρπάν’θυσία kurban/ḳurbān
εγκαλόπααγκαλιές
είν’είναι (για πληθ.)
έλεενέλεγε
εμόνδικός/ή/ό μου ἐμοῦ
έν’είναι
επαρακάλ’νενπαρακαλούσε
έρ’ταιέρχεται
έχ̌’έχει
καμίανποτέ
καπιλέοικογένεια, φυλή kabile/ḳabīle
κείσαικείτεσαι, ξαπλώνεις
’κιδεν οὐκί<οὐχί
κωσσούςκλώσσας
λάσκουμαιπεριφέρομαι, τριγυρίζω, περιπλανώμαι ἀλάομαι/ηλάσκω
λιγούταιεπιθυμεί κτ σφοδρά, χάνει τις αισθήσεις του, λιποθυμά
νασάνχαρά σε
νυφάδεςνύφες
νυχτών’νυχτώνει
οξ̌ουκέσ’έξω εκεί πέρα
παθάντςπαθαίνεις
παιδίαπαιδιά
παραδί͜ειςπαραδίνεις, καταδίδεις
πεκιάρ’(γεν. αιτ. ενικ.) εργένη, (ονομ. πληθ.) εργένηδες bekâr/bekār
πίν’πίνει
πολλάπολλά (επίθ.), πολύ (επίρ.)
ποπάδεςπαπάδες
ρακίναλκοολούχο ποτό που παράγεται από τη ζύμωση φρούτων ή στεμφύλων φρούτων rakı/ˁaraḳī
ρούζ’πέφτει, ρίχνει
σεβνταλήδεςερωτοχτυπημένοι, ερωτευμένοι sevdalı
σεβνταλήνερωτοχτυπημένο, ερωτευμένο sevdalı
σκοτούταισκοτώνεται
σουμάκοντά
τιδέντίποτα
τίνανποιον/α
τοιτους/τις
τραγωδείςτραγουδάς
τσακούταισπάει
τσουρούταιστεγνώνει, στραγγίζεται σειρώ=εκκενώνω, αδειάζω
τυλίουνταντυλίγονται

Ποντιακός Στίχος - Pontian Lyrics 2024

Τραγούδια: 8070 | Albums/Singles: 1245 | Συντελεστές: 1616 | Λήμματα: 14013
Επικοινωνία: infoDUMMY@pontianlyrics.gr