Που είναι εκείνα τα καιρούς

Προβολή Τραγουδιού

Ορμία π’ έτρεχαν νερά,
χορταροσ̌κεπασμένα
επέμ’νανε λυπητερά
και είναι τσουρωμένα

Ας σο Χαμψίκεϊ απέσ’
με τα δάκρυ͜α εδέβα
Τη Ζύγανας και τα ραχ̌ι͜ά
ταρχάλι͜α -ν- επιδέβα

Πού είναι εκείνα τα καιρούς,
τη χ̌ειμωγκού¹ τα χ̌ι͜όνι͜α
Ένοιαμ’ στράταν με τ’ ιφτυ͜άρ’
σο μαντρίν και σην πόνι͜αν

Ανάθεμα σε -ν-, άλογον,
’πέρασες με σ’ οβάδες
Εέμ’ σα κιάρι͜α σ’ τα πολλά
κι εχάσα τοι γιοσμάδες

Τα ραχ̌ι͜ά κλαίγ’νε και βογγούν
ση βαρυχ̌ειμωνίαν
Θέλ’νε πάντ’ άνοιξης χορτάρ’
να κελαηδούν πουλία

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
βαρυχ̌ειμωνίαν	βαρυχειμωνιά
γιοσμάδες	κομψοί, λεβέντες νέοι	yosma
εδέβα	(για τόπο) πέρασα, διέσχισα (για χρόνο) πέρασα	διαβαίνω
εέμ’	έγινα
ένοιαμ’	ανοίγαμε
επέμ’νανε	απόμειναν
επιδέβα	έφυγα, άφησα πίσω, προσπέρασα, ξεπέρασα
εχάσα	έχασα
θέλ’νε	θέλουν
ιφτυ͜άρ’	φτυάρι	πτυάριον
κιάρι͜α	κέρδη	kâr
κλαίγ’νε	κλαίνε
οβάδες	πεδιάδες	ova
ορμία	ρυάκια, ρεματιές
πολλά	(επίθ.) πολλά, (επίρρ.) πολύ
πόνι͜αν	κοτέτσι
ραχ̌ι͜ά	ράχες, βουνά
ταρχάλι͜α	αμέσως, μονομιάς	derhal/der (περσ.) + ḥāl (αραβ.)
τοι	τους/τις
τσουρωμένα	στερεμένα
χ̌ειμωγκού	χειμώνα
χορτάρ’	χορτάρι

Σημειώσεις

¹ ακούγεται να λέει «χ̌ειμωγκόν» πιθ. εκ παραδρομής