Κι αν αποθάνω

Προβολή Τραγουδιού

Αν αποθάνω, γιαβρόπο μ’,
θάψον με με το φέγγον
’Μάραντα και τραντάφυλλα
σο κιφαλόπο μ’ θέκον

Αν αποθάνω σο ταφί μ’
έλα το χρόνον μίαν
Έναν κερόπον άψον με,
ποίσον με συντροφίαν

Τα τσ̌ιτσ̌εκόπα ντο θα σύρτς,
αρνόπο μ’, ’α φυτρών’νε
Θα σκουντουλίζ’νε και το τέρτ’
τ’ εσόν ’α χαλαρών’νε

Γλωσσάρι

Κείμενο	Επεξήγηση	Ετυμ. Ρίζα
’α	θα
αποθάνω	πεθαίνω
αρνόπο	αρνάκι, χαϊδευτική προσφώνηση γυναίκας
άψον	(προστ.) άναψε
γιαβρόπο	μωράκι, μικρούλι, παιδάκι	yavru + -όπον
εσόν	δικός/ή/ό σου
θάψον	(προστ.) θάψε
θέκον	(προστ.) θέσε, τοποθέτησε, βάλε
κερόπον	κεράκι
κιφαλόπο	κεφαλάκι
’μάραντα	(επιστ. Helichrysum stoechas) τα αγριολούλουδα ελίχρυσος ο πολύτιμος
μίαν	μια φορά
ποίσον	(προστ.) κάνε, φτιάξε	ποιέω, ποιῶ
σκουντουλίζ’νε	ευωδιάζουν, μοσχοβολούν
συντροφίαν	συντροφιά, παρέα
σύρτς	σέρνεις, τραβάς, ρίχνεις
ταφί	τάφο
τέρτ’	καημός, βάσανο, (ονομ.) στενοχώρια	dert
τραντάφυλλα	τριαντάφυλλα
τσ̌ιτσ̌εκόπα	λουλουδάκια	çiçek
φέγγον	φεγγάρι
φυτρών’νε	φυτρώνουν