Ποντιακός Στίχος

Προβολή Τραγουδιού

Κατεβάστε τους στίχους σε PDF

Τ’ ομμάτι͜α σ’ κλαίγ’νε τ’ άχαρα

Παυλάκης Δραμινός Νο1Παυλάκης Δραμινός Νο1

Στιχουργοί: Παύλος Καλαϊτζίδης

Συνθέτες: Παύλος Καλαϊτζίδης

Καλλιτέχνες: Παύλος Καλαϊτζίδης


[Εχ!] Τ’ ομμάτι͜α σ’ κλαίγ’νε τ’ άχαρα
δα̤κρούνταν, ξαν δα̤κρούνταν
[Και] Σην απαντήν, πουλί μ’, τ’ εμόν
πολλά δά̤κρυ͜α γομούνταν

Αρ’ ατώρα νέτσ̌η θεία
την κουτσ̌ή σ’ καλά ερία
[Και] Τ’ εμά τ’ ομμάτι͜α κι η σεβντά
γομών’ντανε σ’ ορμία

[Εχ!] Από μακρά -ν- ελέπω σε
και χ̌αίρεται η καρδία μ’
[Και] Όσο σουμά κι αν έρχεσαι
κόπεται η λαλία μ’

Αρ’ ατώρα νέτσ̌η θεία
την κουτσ̌ή σ’ καλά ερία
[Και] Τ’ εμά τ’ ομμάτι͜α κι η σεβντά
γομών’ντανε σ’ ορμία

[Εχ!] Και πορπατείς σα στράτας ι-σ’
σ̌υρίζ’κον η λαλία σ’
Εγώ για τ’ εσέν ’ίνουμαι
φαρμάκ’ ση μοναξία¹ σ’

Αρ’ ατώρα νέτσ̌η θεία
την κουτσ̌ή σ’ καλά ερία
[Και] Τ’ εμά τ’ ομμάτι͜α κι η σεβντά
γομών’ντανε σ’ ορμία
Γλωσσάρι
ΚείμενοΕπεξήγησηΕτυμ. ΡίζαΠροέλευση
απαντήνσυνάντηση, αντάμωση
ατώρατώρα
γομούντανγεμίζουν, βουρκώνουν, κομπιάζουν
ελέπωβλέπω
εμάδικά μου
εμόνδικός/ή/ό μου ἐμοῦ
ερίαπρόσεχε, φύλαξε, επέβλεψε (προστ.)
’ίνουμαιγίνομαι
κλαίγ’νεκλαίνε
κόπεταικόβεται
κουτσ̌ήκόρη
λαλίαλαλιά, φωνή
μακρά(επιρρ.) μακριά, (επιθ.) μακρινά, απομακρυσμένα
νέτσ̌ηΕ! κόρη, ε! εσύ
ξανπάλι, ξανά
ομμάτι͜αμάτια
ορμίαρυάκια, ρεματιές
πολλάπολλά (επίθ.), πολύ (επίρ.)
πορπατείςπερπατάς
σεβντάαγάπη, έρωτας sevda/sevdā
σουμάκοντά
στράταςδρόμοι (ονομ.), δρόμους (αιτ.)
σ̌υρίζ’κονσφυριχτό/ή
Σημειώσεις
¹ Νεολογισμός αντί του ποντιακού «μαναχ̌ία»

Ποντιακός Στίχος - Pontian Lyrics 2024

Τραγούδια: 8070 | Albums/Singles: 1245 | Συντελεστές: 1616 | Λήμματα: 14013
Επικοινωνία: infoDUMMY@pontianlyrics.gr