Εμέν Νικόλα λένε με

Προβολή Τραγουδιού

Εμέν Νικόλα λένε με
και -ν- ας σα Λειβαδία
Τη νουσ̌αλού μ’ επέρανε
Κρομέτ’κα σ̌κύλ’ παιδία

Πάμε το πουλόπο μ’, πάμε
για τ’ εσέν σκοτούμαι, χάμαι
Η ώρα τρία τη νυχτός
εμείς πα που θα πάμε;

Εμέν Νικόλα λένε με
κι εγώ Νικόλας ’κ’ είμαι
Αποβραδής ους να μερών’
σα ξένα σπίτι͜α κείμαι

Πάμε το πουλόπο μ’, πάμε
για τ’ εσέν σκοτούμαι, χάμαι
Η ώρα τρία τη νυχτός
εμείς πα που θα πάμε;

Εμέν, αρνί μ’, ξαν θέλ’νε με
γαμπρόν για να ευτάνε
Για να τερούνε μετ’ εσέν
τα παλαλά ντ’ ευτάμε

Πάμε το πουλόπο μ’, πάμε
για τ’ εσέν σκοτούμαι, χάμαι
Η ώρα τρία τη νυχτός
ση Σίψα πα θα πάμε

Γλωσσάρι

Κείμενο	Επεξήγηση	Ετυμ. Ρίζα
αποβραδής	απ’ το βράδυ, κατά το βράδυ, βραδιάτικα
επέρανε	πήραν
ευτάμε	κάνουμε, φτιάχνουμε	εὐθειάζω
ευτάνε	κάνουν, φτιάχνουν	εὐθειάζω
θέλ’νε	θέλουν
’κ’	δεν	οὐκί<οὐχί
κείμαι	κείτομαι, ξαπλώνω
μερών’	μερώνει, ξημερώνει
μετ’	μαζί με (με αιτιατική), με (τρόπος)
νουσ̌αλού	αρραβωνιαστικιά/ό, σημαδεμένη/ο	nişanlı<nişān
ξαν	πάλι, ξανά
ους	ως, μέχρι
πα	πάλι, επίσης, ακόμα
παιδία	παιδιά
παλαλά	τρελά, τρέλες
πουλόπο	πουλάκι
σκοτούμαι	σκοτώνομαι
σ̌κύλ’	(γεν.) σκύλου
τερούνε	κοιτούν
χάμαι	χάνομαι, μτφ. πεθαίνω