Απ’ αδά και πέρα θέλω

Προβολή Τραγουδιού

Απ’ αδά και πέρα θέλω
έναν ήσυχον ζωήν
Ν’ ανασπάλω τα μαύρα πόνι͜α μ’,
μάνα, ντ’ έφαγαν την ψ̌η μ’
Άμαν, άμαν, άμαν, άμαν
Άμαν, άμαν, άμαν, άμαν
Ντ’ έφαγαν την ψ̌η μ’

Βάσανα πολλά εδέβαν
και πολλά επέρασα
Έφαγανε με τα τέρτι͜α μ’
και -ν- εγώ εγέρασα
Άμαν, άμαν, άμαν, άμαν
Άμαν, άμαν, άμαν, άμαν
και -ν- εγέρασα

Ση ζωή μ’ τ’ ημ’σά τα χρόνι͜α μ’
και σα ξένα έζησα
και τη οσπιτί’ μ’ την πόρταν
είκοσ’ χρόνι͜α ’κ’ ένοιξα
Άμαν, άμαν, άμαν, άμαν
Άμαν, άμαν, άμαν, άμαν
Εχ! Και ’κ’ ένοιξα

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
ανασπάλω	ξεχάσω
εγέρασα	γέρασα
εδέβαν	(για τόπο) πέρασαν, διέσχισαν, (για χρόνο) πέρασαν	διαβαίνω
ένοιξα	άνοιξα
ημ’σά	μισά
’κ’	δεν	οὐκί<οὐχί
οσπιτί’	σπιτιού	hospitium<hospes
πολλά	(επίθ.) πολλά, (επίρρ.) πολύ
πόνι͜α	πόνοι
τέρτι͜α	καημοί, βάσανα, στενοχώριες	dert
ψ̌η	ψυχή