Προβολή Τραγουδιού
Ρακόποτον |
Άστρον είσαι και φωτά͜ειςΣτιχουργοί: Σταύρος Σαββίδης
Συνθέτες: Μπάμπης Κεμανετζίδης
Καλλιτέχνες: Μπάμπης Κεμανετζίδης, Σταύρος Σαββίδης, Στέλιος Χαλκίδης
Ρακόποτον εγένουμ’νε κι επέμ’να απάν’ σα δρόμι͜α Μ’ έναν μπουκάλ’ σο χ̌ερόπο μ’ ανασπάλλω τα πόνι͜α μ’ Ατός π’ εξέγκεν το ρακίν θα έτον πονεμένος Απάν’ σον κόσμον μαναχός κι ας ση σεβντάν καμένος Τα νύχτας γυροκλώσκουμαι απέσ’ σα ερημίας Το ρακίν έχω γιατρικόν, λαρών’ τ’ αροθυμίας Ατός π’ εξέγκεν το ρακίν θα έτον πονεμένος Απάν’ σον κόσμον μαναχός κι ας ση σεβντάν καμένος Εμέν τα πόνι͜α εσάρεψαν, τόπον ’κ’ έχω να μένω Το ρακίν μόνον ησυχάζ’ εμέν τον πονεμένον Ατός π’ εξέγκεν το ρακίν θα έτον πονεμένος Απάν’ σον κόσμον μαναχός κι ας ση σεβντάν καμένος Άμον το έρημον πουλίν χωρίς έσ̌’, πονεμένον ’Κι τραγωδώ, μοιρολογώ το παραπονεμένον Ατός π’ εξέγκεν το ρακίν θα έτον πονεμένος Απάν’ σον κόσμον μαναχός κι ας ση σεβντάν καμένος
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ἅμα | |
| ανασπάλλω | ξεχνώ | ||
| απάν’ | πάνω | ||
| απέσ’ | μέσα | ||
| αροθυμίας | (γεν.) νοσταλγίας, (πληθ.) νοσταλγίες | ||
| ατός | αυτός | ||
| γυροκλώσκουμαι | κλωθογυρίζω | ||
| δρόμι͜α | δρόμοι, δρόμους | ||
| εγένουμ’νε | έγινα | ||
| εξέγκεν | έβγαλε | ||
| επέμ’να | απόμεινα | ||
| ερημίας | ερημιές | ||
| έσ̌’ | ταίρι, έτερο ήμισυ, σύντροφος | eş | |
| εσάρεψαν | τύλιξαν, περικύκλωσαν, άρεσαν | ||
| έτον | ήταν | ||
| ’κ’ | δεν | οὐκί<οὐχί | |
| ’κι | δεν | οὐκί<οὐχί | |
| λαρών’ | γιατρεύει, θεραπεύει | ||
| μαναχός | μοναχός, μόνος | ||
| νύχτας | (ον.πληθ.,τα) νύχτες | ||
| πόνι͜α | πόνοι | ||
| ρακίν | αλκοολούχο ποτό που παράγεται από τη ζύμωση φρούτων ή στεμφύλων φρούτων | rakı/ˁaraḳī | |
| ρακόποτον | αυτός που πίνει πολύ ρακί | ||
| σεβντάν | αγάπη, έρωτα | sevda/sevdā | |
| τραγωδώ | τραγουδάω | ||
| χ̌ερόπο | χεράκι |
