Ακεί πέρα ση Ράχοβαν

Προβολή Τραγουδιού

Καλλιτέχνες: Μπάμπης Κεμανετζίδης, Σταύρος Σαββίδης, Στέλιος Χαλκίδης

Ακεί πέραν ση Ράχοβαν¹,
σ’ άνθεν το παρχαρόπον
Η Ραχοβέτ’σσα έμορφος,
έκαψεν το καρδόπο μ’

Ας έμ’ πουλίν κι επέτανα
κι επέγ’να σα παρχάρι͜α
Ερώτανα κι εμάθανα
και τη σεβντάς τα χάλι͜α

Γουρπάνι σ’, παρχαρί’ νερόν,
τη Ράχοβας χ̌ι͜ονόπον
Αν θέλτς ’ίνεσαι γιατρικόν
και σ’ εμόν το τερτόπον

Παρχαροπούλια κελαηδούν
κι εγώ αρχινώ και κλαίγω
Πολλά είναι τα βάσανα μ’,
ποίον πρώτα να λέγω;

Γλωσσάρι

Κείμενο	Επεξήγηση	Ετυμ. Ρίζα
ακεί	εκεί
άνθεν	επάνω, από πάνω
γουρπάνι	θυσία	kurban/ḳurbān
έμ’	ήμουν
εμόν	δικός/ή/ό μου	ἐμοῦ
έμορφος	όμορφος/η
επέγ’να	πήγαινα
επέτανα	πετούσα
ερώτανα	ρωτούσα
θέλτς	θέλεις
’ίνεσαι	γίνεσαι
καρδόπο	καρδούλα
παρχαρί’	θερινού βοσκότοπου (παρχαριού)
παρχάρι͜α	ορεινοί τόποι θερινής βοσκής
παρχαροπούλια	πουλιά του παρχαριού
πολλά	(επίθ.) πολλά, (επίρρ.) πολύ
σεβντάς	αγάπης, έρωτα	sevda/sevdā
τερτόπον	(υποκορ.) καημός, βάσανο, στενοχώρια	dert
χ̌ι͜ονόπον	χιονάκι

Σημειώσεις

¹ Παλιά ονομασία του χωριού Ράχη Ημαθίας