Το πασ̌απόρτ’

Προβολή Τραγουδιού

Στιχουργοί: Γιώργος Σιαπανίδης, Κώστας Διαμαντίδης

Συνθέτες: Γιώργος Σιαπανίδης, Ιφιγένεια Σιδηροπούλου

Καλλιτέχνες: Αλέξανδρος Παρχαρίδης, Μιχάλης Καλιοντζίδης

Αφορισμένον γενεάν,
δι͜αβόλ’ γεννεμασέαν
Άλλο αδακέσ’ ’κ’ ετέρεσες,
’κ’ εδώκες σημασέαν

Σιπ-σιπ κι άμον ελαίαν
κι άμον αυλακί’ τσιχρίτες
Άμον αυλακί’ τσιχρίτες
κι άμον καπανί’ σεβτι͜άνος

Λάσ̌κεσαι άμον τεκιντίν,
τα νύχτας ’κι κοιμάσαι
Εσύ ντό ψ̌ην θα παραδί͜εις,
Θεόν που ’κι φοάσαι;

Σιπ-σιπ κι άμον ελαίαν
κι άμον αυλακί’ τσιχρίτες
Άμον αυλακί’ τσιχρίτες
κι άμον καπανί’ σεβτι͜άνος

Ατσ̌ά που τρέ͜εις ας εξέρ’να,
με τίναν στρώντς και κείσαι
Κάποτε͜ ατός πα θα πεζεύ’,
το πασ̌απόρτ’ θα δί’ σε

Σιπ-σιπ κι άμον ελαίαν
κι άμον αυλακί’ τσιχρίτες
Άμον αυλακί’ τσιχρίτες
κι άμον καπανί’ σεβτι͜άνος

Οτότε ξαν θα κλώσ̌κεσαι
τσ’ εγάπ’ς πογαλεμένον
Ὰμα ας εξέρτς, θ’ ευρήκ’ς ατο
την καρδι͜ά μ’ κλειδωμένον

Σιπ-σιπ κι άμον ελαίαν
κι άμον αυλακί’ τσιχρίτες
Άμον αυλακί’ τσιχρίτες
κι άμον καπανί’ σεβτι͜άνος

Γλωσσάρι

Κείμενο	Επεξήγηση	Ετυμ. Ρίζα
αδακέσ’	εδώ γύρω, κάπου εδώ
ὰμα	αλλά	ama/ammā
άμον	σαν, όπως, καθώς	ἅμα
ατός	αυτός
ατσ̌ά	άραγε	acep/ʿaceb
αυλακί’	αυλακιού
αφορισμένον	αφορισμένο, αναθεματισμένο
γενεάν	γενιά
γεννεμασέαν	γέννημα, γόνος
δί’	δίνει
δι͜αβόλ’	(ον.πληθ.) διάβολοι, (γεν. ενικ.) διαβόλου
εγάπ’ς	αγάπης
εδώκες	έδωσες
ελαίαν	ελιά
εξέρ’να	ήξερα, γνώριζα
εξέρτς	ξέρεις, γνωρίζεις
ετέρεσες	κοίταξες
ευρήκ’ς	βρίσκεις
’κ’	δεν	οὐκί<οὐχί
καπανί’	(γεν.) λόφου	kabā/կապա (gaba)
κείσαι	κείτεσαι, ξαπλώνεις
’κι	δεν	οὐκί<οὐχί
κλώσ̌κεσαι	γυρίζεις, επιστρέφεις
λάσ̌κεσαι	περιφέρεσαι, τριγυρνάς, περιπλανιέσαι	ἀλάομαι/ηλάσκω
νύχτας	(ον.πληθ.,τα) νύχτες
ξαν	πάλι, ξανά
οτότε	τότε
πα	πάλι, επίσης, ακόμα
παραδί͜εις	παραδίνεις, καταδίδεις
πασ̌απόρτ’	διαβατήριο	pasaport<passa porte
πεζεύ’	βαριέμαι/ται, κουράζομαι/ται	bezmek
πογαλεμένον	πνιγμένο, σκασμένο, μτφ. μπουχτισμένο	boğulmuş
σημασέαν	σημασία
σιπ-σιπ	κάτι που αναπηδά	zıpzıp
στρώντς	στρώνεις
τεκιντίν	αλήτης/ισσα
τίναν	ποιον/α
τρέ͜εις	τρέχεις
τσ’	(ως τση, άρθρο γεν. ενικού) του/της, (ως τσοι, άρθρο αιτ. πληθ.) τις, (ως ερωτημ. τσί;) ποιός;
τσιχρίτες	ακρίδα, γρύλλος	ծղրիդ (Dzghrit)
φοάσαι	φοβάσαι
ψ̌ην	ψυχή