Ποντιακός Στίχος

Προβολή Τραγουδιού

Πάσ̌α, μη πιστεύ’ς ατεν

Πόντος-Καύκασος-ΕλλάδαΠόντος-Καύκασος-Ελλάδα

Στιχουργοί: Γιάννης Κοπαλάς

Συνθέτες: Γιώργος Κοπαλάς

Καλλιτέχνες: Γιάννης Κοπαλάς, Γιώργος Κοπαλάς, Δημήτρης Καρασαββίδης


’Κι ’α πίνω άλλο κρασίν
αν πονείς με, ψ̌η μ’, εσύ
Το χατίρι σ’ θα ’φτάγω
ους να παίρω σε -ν- εγώ

Πάσ̌α, μη πιστεύ’ς ατεν,
μετ’ εσέν λέει και γελά
Γαντουρεύ’ ’σένα και φεύ’
για τ’ ατέν έκ’σα πολλά

Πώς θα χάμαι, πάσ̌α, άλλον
μετ’ ατό το παλαλόν
Ξάι ’κ’ εξέρ’ τον Κοπαλά
για να ζει πάντα καλά

Πάσ̌α, μη πιστεύ’ς ατεν
μετ’ εσέν λέει και γελά
Γαντουρεύ’ ’σένα και φεύ’
για τ’ ατέν έκ’σα πολλά

Κορτσόπον, π’ ελέπ’ς την ψ̌η μ’
θ’ αρχινώ ξαν το κρασίν
Κάθαν βράδον θα πίνω
τη σεβντά σ’ ν’ ανασπάλω

Πάσ̌α, μη πιστεύ’ς ατεν
μετ’ εσέν λέει και γελά
Γαντουρεύ’ ’σένα και φεύ’
για τ’ ατέν έκ’σα πολλά

Επέμ’νες χωρίς εμέν
κι εγώ μάκρα απ’ εσέν
Αέτσ’ γραμμένον έτονε
για να ζούμε χωρισμέν’

Πάσ̌α, μη πιστεύ’ς ατεν
μετ’ εσέν λέει και γελά
Γαντουρεύ’ ’σένα και φεύ’
για τ’ ατέν έκ’σα πολλά
Γλωσσάρι
ΚείμενοΕπεξήγησηΕτυμ. ΡίζαΠροέλευση
’αθα
αέτσ’έτσι
ανασπάλωξεχάσω
ατέναυτήν
ατεναυτήν
βράδονβράδυ
γαντουρεύ’κοροϊδεύω/ει, ξεγελάω/ει, εξαπατάω/ειkandırmak
έκ’σαάκουσα
ελέπ’ςβλέπεις
εξέρ’ξέρω/ει, γνωρίζω/ει
επέμ’νεςαπόμεινες
έτονεήταν
’κ’δενουκί<οὐχί
κάθανκάθε
’κιδενουκί<οὐχί
κορτσόπονκοριτσάκι
μετ’μαζί με (με αιτιατική), με (τρόπος)
ξάικαθόλου
ξανπάλι, ξανά
ουςως, μέχρι
παίρωπαίρνω
παλαλόντρελό
πάσ̌απασά (βαθμός ή τίτλος τιμητικός ανώτατου πολιτικού ή στρατιωτικού επί Οθωμ. Αυτοκρατορίας), (καθομ.) άρχοντα, τιμητική προσφώνηση μεγαλύτερου αδελφούpaşa
πολλάπολλά (επίθ.), πολύ (επίρ.)
σεβντάαγάπη, έρωταςsevda/sevdā
φεύ’φεύγει
’φτάγω(ευτάγω) κάνω, φτιάχνωεὐθειάζω
χάμαιχάνομαι, μτφ. πεθαίνω
χατίριχάρη, σεβασμός, υπόληψηhatır/ḫāṭir
ψ̌ηψυχή

Ποντιακός Στίχος - Pontian Lyrics 2023

Τραγούδια: 6152 | Albums/Singles: 887 | Συντελεστές: 1191 | Λήμματα: 12015
Επικοινωνία: infoDUMMY@pontianlyrics.gr