Ντώστεν ταούλια ση χαράν

Προβολή Τραγουδιού

Ήλιον και φέγγον έδεσαν
εγάπ’ με τα ζεντζ̌ίρι͜α
και -ν- ένθισεν άμον ντ’ ανθίζ’
τσ̌ιτσ̌άκιν σα τσ̌αΐρι͜α

Τα καρδί͜ας ατουν ίεψαν
κι εέντανε ζευγάριν
Εντάμαν θα πορεύκουνταν,
κόρ’ με το παλληκάριν

Και ση ζωήν θα πορπατούν
σ’ έναν πατεμασέαν
Εντάμαν τ’ άστρα θα τερούν
σιμά/σουμά σην ποταμέαν

Να συγερούν, να χ̌αίρουνταν
και τέρτι͜α να μη έχ̌’νε
[Και -ν-] Έναν σουρίν πα χάταλα
έμπρι͜α τουν κέσ’ να τρέχ’νε

Ντώστεν ταούλια ση χαράν
και κεμεντζ̌έδες παίξτεν
και όλ’ οι φίλ’ και συγγενείς
χορέψτεν, τραωδέστεν

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
ατουν	τους
εγάπ’	αγάπη
εέντανε	έγιναν
έμπρι͜α	μπροστά
ένθισεν	άνθισε
εντάμαν	μαζί
ζεντζ̌ίρι͜α	αλυσίδες	zincir/zencīr
ίεψαν	ταίριαξαν	uymak
καρδί͜ας	καρδιές
κεμεντζ̌έδες	λύρες	kemençe/kemānçe
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
ντώστεν	(προστ.) χτυπήστε
όλ’	όλοι/α
πα	πάλι, επίσης, ακόμα
παίξτεν	(προστ.) παίξτε
πατεμασέαν	πατημασιά
πορεύκουνταν	πορεύονται
πορπατούν	περπατούν
ποταμέαν	παραποτάμιος τόπος
σουμά	κοντά
σουρίν	κοπάδι, σωρός από πράγματα	sürü
συγερούν	γερνάνε μαζί
τερούν	κοιτούν
τέρτι͜α	καημοί, βάσανα, στενοχώριες	dert
τουν	τους
τραωδέστεν	(προστ.) τραγουδήστε
τρέχ’νε	τρέχουν
τσ̌αΐρι͜α	λιβάδια	çayır
τσ̌ιτσ̌άκιν	λουλούδι	çiçek
φέγγον	φεγγάρι
φίλ’	(προστ. φιλώ) φίλα, (πληθ. φίλον) φίλοι
χ̌αίρουνταν	χαίρονται
χάταλα	μωρά, παιδιά	ἀταλός
χορέψτεν	(προστ.) χορέψτε