Οσήμερον πιρνά-πιρνά

Προβολή Τραγουδιού

Καλλιτέχνες: Μπάμπης Ιωακειμίδης, Παναγιώτης Κογκαλίδης

Οσήμερον πιρνά-πιρνά
δείσα με την εβόραν
Έλα, πουλόπο μ’, σο πεγάδ’,
τέρεν μ’ ελέπ’ σε η χώρα
Έχω λόγ̆ια να λέγω σε
κρατούνε έναν ώραν

Κα’ έλα, γιαβρί μ’, κα’ έλα,
κα’ έλα όλιον το δρόμον
Εσέναν π’ εκαντούρεψαν
νέ πίστ’ είχαν, νέ νόμον

Παιδία, κάτ’ θα λέγω σας
’κι προσ̌κυνώ παράδες
Το έρημον το σεβτι͜αλούκ’
θ’ ευτάει μας κουραντάδες

Γλωσσάρι

Κείμενο	Επεξήγηση	Ετυμ. Ρίζα
γιαβρί	μωρό, μικρό, παιδί	yavru
δείσα	ομίχλη	δεῖσα=υγρασία, λάσπη, βρωμιά
εβόραν	σκιά
εκαντούρεψαν	ξεγέλασαν, εξαπάτησαν, κορόιδεψαν	kandırmak
ελέπ’	βλέπει/βλέπω
ευτάει	κάνει, φτιάχνει	εὐθειάζω
κα’	κάτω
’κι	δεν	οὐκί<οὐχί
κουραντάδες	σακάτηδες, καταπονημένοι	kurada/ḳurāḍa
νέ	ούτε	ne
όλιον	όλο, ολόκληρο
οσήμερον	σήμερα
παιδία	παιδιά
παράδες	λεφτά, χρήματα	para/pāre
πεγάδ’	βρύση
πιρνά	πρωί, πρωινιάτικα, αύριο
πουλόπο	πουλάκι
σεβτι͜αλούκ’	έρωτας	sevdalık
τέρεν	(προστ.) κοίταξε
χώρα	οι ξένοι γενικά, οι μη οικείοι, η ξενιτειά