Προβολή Τραγουδιού

Φως σ’ ομμάτι͜α σ’

Καλλιτέχνες: Γιώργος Σιαμλίδης, Θόδωρος Κοτίδης

Εσύ είσαι τη μάισσας θαγατέρα
Τ’ ορμάνι͜α θα ταράγουν
για τ’ εσέν περιστέρα μ’

Να λελεύω! Να ’ίνουμαι γουρπάνι σ’!
Τη παρχαρί’ τσ̌ιτσ̌άκι
εμέν έπαρ’ σο γιάνι σ’

Φως σ’ ομμάτι͜α σ’! Εσέναν ποδεδίζω!
Και για τ’ εσέν, τρυγόνα μ’,
ραχ̌ία πα θα σ̌κίζω

Φωταχτέρα μ’! Τραγωδώ και σ̌υρίζω
Με το γλυκύν τη λάλι͜α μ’
το καρδόπο σ’ θα χτίζω

Φως σ’ ομμάτι͜α σ’! Εσέναν ποδεδίζω!
Χωρίς εσέν, τρυγόνα μ’,
καίουμαι και βρουλίζω

Τσ̌ιτσ̌ι͜ακόπα τα μαλλόπα σ’, πουλόπο μ’
Τ’ ομμάτι͜α σ’ τσ̌αρτιλίζ’νε,
εμάεψαν το ψ̌όπο μ’

Γλωσσάρι

Κείμενο	Επεξήγηση	Ετυμ. Ρίζα
βρουλίζω	φλέγομαι, καίγομαι	brûler
γιάνι	πλάι, πλευρό	yan
γλυκύν	γλυκιά/ό
γουρπάνι	θυσία	kurban/ḳurbān
έπαρ’	πάρε (προστ.)
θαγατέρα	κόρη, θυγατέρα
’ίνουμαι	γίνομαι
καίουμαι	καίγομαι
καρδόπο	καρδούλα
λελεύω	χαίρομαι
μαλλόπα	μαλλάκια
ομμάτι͜α	μάτια
ορμάνι͜α	δάση	orman
πα	πάλι, επίσης
παρχαρί’	παρχαριού
πουλόπο	πουλάκι
ραχ̌ία	ράχες, βουνά
σ̌υρίζω	σφυρίζω, παίζω αυλό	σῦριγξ
ταράγουν	αναμιγνύονται, ανακατεύονται, μπλέκονται
τραγωδώ	τραγουδάω
τρυγόνα	το πουλί τρυγόνι, χαϊδευτική προσφώνηση γυναίκας
τσ̌αρτιλίζ’νε	λάμπουν, λαμποκοπούν
τσ̌ιτσ̌ι͜ακόπα	λουλουδάκια	çiçek
φως σ’ ομμάτι͜α σ’	συγχαρητήρια φράση προς κάποιον για αναγγελία κάποιου ευχάριστου γεγονότος
φωταχτέρα	απαστράπτουσα, λαμπερή, μτφ. όμορφη
ψ̌όπο	ψυχούλα