Εισαγωγή

Προβολή Τραγουδιού

Καλλιτέχνες: Γιώργος Σιαπανίδης, Μιχάλης Παρχαρίδης

Ε! Πορτοράζ και Πρωτοχώρ’! Έναν κούρταν χωρόπον...κρατώ σε απέσ’ ση βούρα μ’. Βουρτσίζ’νε αναμεσά σα δάχτυλα μ’ τραγωδίας, χορόντας, καρδίας καμονάντας.

Σύρον, Γιωσήφη μ’, το τοξάρ’,
Κώτσο, παίξον τ’ αγγείον
Σωτήρ’, για στέσον τον χορόν
απέσ’ σο καφενείον

Μάρσαλ, Αλέξη και Βορά
και Τσίχα τραγωδι͜άνε
αούτ’ ο κόσμος ψεύτικος,
όλια του κάκου πάνε

Βελή, κοπάντσον το ταούλ’,
Σ̌ίτον, παίξον τα ζίλια
Θέλω ο Πιλίκον να χορεύ’,
θα ευτάει τσ̌αλίμι͜α χ̌ίλι͜α

Οι νεοντάδες τραωδούν
σ’ εσέτερα τ’ ιχνάρι͜α
κι αναστορούν τα πάθι͜α σουν,
τα μάθι͜α σουν τα μαύρα

Με το κοντύλ’ ντο έγραψα
αούτα τα τσ̌ιζία,
ανοίγω σας το καρδόπο μ’,
Πορτοραζί’ παιδία

Γλωσσάρι

Κείμενο	Επεξήγηση	Ετυμ. Ρίζα
αγγείον	είδος άσκαυλου, πνευστού μουσικού οργάνου
αναμεσά	ανάμεσα
αναστορούν	θυμούνται, αναπολούν
αούτ’	αυτός/ή/ό/ά
αούτα	αυτά
απέσ’	μέσα
βούρα	χούφτα	vola=η παλάμη του χεριού ή το πέλμα του ποδιού
βουρτσίζ’νε	γλιστράνε
εσέτερα	δικά σου/σας
ευτάει	κάνει, φτιάχνει	εὐθειάζω
ζίλια	οι ψιλές τονικότητες ενός μουσικού οργάνου
ιχνάρι͜α	χνάρια, ίχνη
καμονάντας	(ον.) καημοί, (αιτ.) καημούς
καρδίας	(τη, γεν.) καρδιάς, (τα, ονομ. πληθ.) καρδιές
καρδόπο	καρδούλα
κοπάντσον	(προστ.) κοπάνισε, χτύπα
κούρταν	γουλιά
μάθι͜α	μαθήματα, γνώσεις, συνήθειες
νεοντάδες	νέους, νεαρούς
όλια	όλα
πάθι͜α	πάθη
παιδία	παιδιά
παίξον	(προστ.) παίξε
σουν	σας
στέσον	(προστ.) στήσε
σύρον	(προστ.) σύρε, τράβα, ρίξε
ταούλ’	νταούλι	davul/ṭabl
τοξάρ’	δοξάρι
τραγωδι͜άνε	τραγουδιστή
τραγωδίας	τραγούδια
τραωδούν	τραγουδούν
τσ̌αλίμι͜α	επιδέξιες κινήσεις (σε χορό κ.ά.), σκέρτσα, καμώματα	çalım
τσ̌ιζία	γραμμές, αράδες	çizgi
χορεύ’	χορεύω/ει
χορόντας	(ονομ. τα) χοροί, (αιτ.) χορούς