Τη σεβντάς το μαχαίρ’

Προβολή Τραγουδιού

Καλλιτέχνες: Θανάσης Στυλίδης, Κώστας Καλούσης

Ας ση σεβντάς ι-σ’ το μαχ̌αίρ’
εκόπα κι εματώθα
Ατό εγώ ντο ’κ’ έμευα, πουλόπο μ’,
εκείνον επλερώθα
[Έλα -ν- έλα]

Μοθοπωρί’ εγνώρτσα σε,
σην μέσεν τη Σταυρίτε
Κι η καρδι͜ά σ’ απ’ ατότε κιάν’
απέσ’ σο ψ̌όπο μ’ κείται
[Έλα -ν- έλα]

Για τ’ εσέν η ψ̌η μ’ λύεται
και η γερὰ ματούται
Γελώ για να κομπών’ ατο
κι εκείνο ’κι κομπούται
[Έλα -ν- έλα]

Πουλόπα, στυχαρι͜άστε με
καλά χαπάρι͜α φέρ’τεν
Πετέστε με σην στράταν έν’ τ’ αρνόπο μ’
εχπάστεν και θα έρ’ται
[Έλα -ν- έλα]

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
αρνόπο	αρνάκι, χαϊδευτική προσφώνηση γυναίκας
ατότε	τότε
γερὰ	πληγή, τραύμα	yara
εγνώρτσα	γνώρισα
εκόπα	κόπηκα
εματώθα	ματώθηκα
έμευα	ήλπιζα, προσδοκούσα, ανέμενα	ummak
έν’	είναι
επλερώθα	πληρώθηκα, εκπληρώθηκα
έρ’ται	έρχεται
εχπάστεν	αναχώρησε, κίνησε για
’κ’	δεν	οὐκί<οὐχί
κείται	κείτεται, ξαπλώνει
’κι	δεν	οὐκί<οὐχί
κιάν’	και άνω, και εξής, και πέρα
κομπούται	ξεγελιέται, εξαπατάται, μτφ. σαγηνεύεται	κομβόω
κομπών’	εξαπατάω/άει, ξεγελάω/άει, μτφ. σαγηνεύω/ει	κομβόω
λύεται	λιώνει
ματούται	ματώνει
μαχ̌αίρ’	μαχαίρι
μέσεν	μέση
μοθοπωρί’	φθινόπωρο καιρό
πετέστε	(προστ.) πείτε
πουλόπα	πουλάκια
πουλόπο	πουλάκι
σεβντάς	αγάπης, έρωτα	sevda/sevdā
στυχαρι͜άστε	(προστ.) συγχαρείτε, αγγείλετε το ευχάριστο γεγονός
φέρ’τεν	(προστ.) φέρτε
χαπάρι͜α	ειδήσεις, νέα	haber/ḫaber
ψ̌η	ψυχή
ψ̌όπο	ψυχούλα

Προβολή Τραγουδιού

Τη σεβντάς το μαχ̌αίρ’