Το χαμελόν το τέρεμα σ’

Προβολή Τραγουδιού

Το χαμελόν το τέρεμα σ’
και τη στομί’ σ’ η άκραν
[Ντό θα ’ίνουμαι;]
Γεράν βαθύν ανοίγ’νε με,
την ψ̌η μ’ γομών’νε δάκρυ͜α
[Ντό θα ’ίνουμαι;]

Ονέρ’τα ευτάγω για τ’ εσέν,
τεΐ σουμαδεμένος
[Ντό θα ’ίνουμαι;]
Φογούμαι ο νους ι-σ’ ’κ’ έν’ αδά
κι είμαι σ̌ασ̌ουρεμένος
[Ντό θα ’ίνουμαι;]

’Κ’ έν’ η σεβντά αλισ̌βερίσ̌’
να δίγω και να δί’ς με
[Ντό θα ’ίνουμαι;]
Τέρ’ κι εύρηκον άλλον μιγκίν
σο γιάνι σ’ να κρατείς με
[Ντό θα ’ίνουμαι;]

Με το να είσαι έμορφος,
ατό ξάι ’κι κανείται
[Ντό θα ’ίνουμαι;]
Θέλ’ κι άλλα πράματα η εγάπ’
ση μέσ’ να μη τελείται
[Ντό θα ’ίνουμαι;]

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
άκραν	άκρη, αρχή
αλισ̌βερίσ̌’	εμπόριο, συναλλαγή	alışveriş
ανοίγ’νε	ανοίγουν
γεράν	πληγή, τραύμα	yara
γιάνι	πλάι, πλευρό	yan
γομών’νε	γεμίζουν, μτφ. κομπιάζουν
δίγω	δίνω
δί’ς	δίνεις
εγάπ’	αγάπη
έμορφος	όμορφος/η
έν’	είναι
εύρηκον	(προστ.) βρες
ευτάγω	κάνω, φτιάχνω	εὐθειάζω
’ίνουμαι	γίνομαι
’κ’	δεν	οὐκί<οὐχί
κανείται	φτάνει, είναι αρκετό
’κι	δεν	οὐκί<οὐχί
κρατείς	κρατάς
μέσ’	μέση
μιγκίν	πιθανός τρόπος, δυνατότητα	mümkün/mumkin
ξάι	καθόλου
ονέρ’τα	όνειρα
σ̌ασ̌ουρεμένος	σαστισμένος, που τα έχει χαμένα	şaşırmak
σεβντά	αγάπη, έρωτας	sevda/sevdā
σουμαδεμένος	αρραβωνιασμένος
στομί’	στόματος
τεΐ	τάχα, δήθεν, υποτίθεται	deyü (οθωμ.περ.)
τελείται	(αμτβ.) τελειώνει, εξαντλείται, μτφ. πεθαίνει
τέρ’	(προστ.) κοίταξε
τέρεμα	βλέμμα
φογούμαι	φοβάμαι
ψ̌η	ψυχή