Τάμσαρα

Ε! παιδία ντο λέτεν;
Πάμε ση χαμαιλέτεν
Κλέφτομε -ν- έναν κορίτσ’,
καν’νάν τιδέν μη λέτε

Εκατήβα σο γιαλόν
είδα έναν παλαλόν
Το κιφάλ’ν ατ’ στρογγυλόν
άμον ταϊγάνας ωβόν

Πάμε, κόρ’, σα κάστανα,
κάστανα σωρεύομε
Σεπεπί τη καστανί’
εμείς μασχαρεύομε -ν-

Το ραχ̌ίν χ̌ι͜ονίεται,
παίρ’ ο ήλιον λύεται
Εγώ τηνάν αγαπώ
ση γούλα μ’ τυλίεται

Όι! Ν’ αϊλί εμέν, ν’ αϊλί!
Σο κιφάλι μ’ κατ’ λαλεί
Έμορφον πη θα φιλεί
τη μανίτσαν ατ’ ν’ αϊλί