Κόρη με τα τερέματα σ’

Προβολή Τραγουδιού

Καλλιτέχνες: Γιάννης Τσιτιρίδης, Μπάμπης Κεμανετζίδης

Κόρη, με τα τερέματα σ’
εσύ χαλάντς χωρία
Για τ’ εσέναν κρού’ν και παίρ’νε
αγούρ’ σα καφενεία

Χάσον, πουλόπο μ’, χάσον,
ολίγα κάλλι͜α χάσον
Ψάλτης αφήν’ την ψαλτική,
ποπάς εβγάλ’ το ράσον

Οι γεροντάδες το μπασ̌τούν’
ας σα χ̌έρι͜α τουν χάν’νε
Οι παντρεμέν’ χωρίουνταν
κι άλλο σ’ οσπίτ’ ’κι πάνε

Χάσον, πουλόπο μ’, χάσον,
ολίγα κάλλι͜α χάσον
Ψάλτης αφήν’ την ψαλτική,
ποπάς εβγάλ’ το ράσον

Τα παλληκάρι͜α τη χωρί’
μαεύκουν κι απομέν’νε
Άλλα χάν’νε την καλατσ̌ήν
κι άλλα πάν’ ξενιτεύ’νε

Χάσον, πουλόπο μ’, χάσον,
ολίγα κάλλι͜α χάσον
Ψάλτης αφήν’ την ψαλτική,
ποπάς εβγάλ’ το ράσον

Γλωσσάρι

Κείμενο	Επεξήγηση	Ετυμ. Ρίζα
αγούρ’	νέοι άνδρες
απομέν’νε	απομένουν
αφήν’	αφήνει
εβγάλ’	βγάλει
καλατσ̌ήν	ομιλία, συνομιλία, συζήτηση	keleci=καλός λόγος (Παλαιά Τουρκική Ανατολίας)
κάλλι͜α	κάλλη
’κι	δεν	οὐκί<οὐχί
κρού’ν	χτυπούν	κρούω
μαεύκουν	μαγεύονται
ξενιτεύ’νε	ξενιτεύονται
οσπίτ’	σπίτι	hospitium<hospes
παίρ’νε	παίρνουν
ποπάς	παπάς
πουλόπο	πουλάκι
τερέματα	βλέμματα
τουν	τους
χαλάντς	χαλάς, καταστρέφεις
χάν’νε	χάνουν, παύουν να έχουν, διώχνουν
χάσον	(προστ.) άφησε, διώξε
χωρί’	χωριού
χωρία	χωριά
χωρίουνταν	χωρίζονται, ξεχωρίζουν