Ατό ’κ’ έν’ εγάπ’

Προβολή Τραγουδιού

Καλλιτέχνες: Γιάννης Τσιτιρίδης, Μπάμπης Κεμανετζίδης

Μίαν μαζί -ν- είμες
και μίαν είμες χώρι͜α
Αέτσ’ φαΐεται
η εγάπ’, ψ̌η μ’, ας ση στεναχώρι͜α

Ατό ’κ’ έν’ εγάπ’!
Καρδίας γράσιμον
Και μαζί και χώρι͜α
ψ̌ης έν’ βγάλσιμον

Μίαν ειρήνην έχομε
και μίαν πολεμούμε
Καλλίον ας χωρίουμες
πολλά ’κι θα κρατούμε

Ατό ’κ’ έν’ εγάπ’!
Καρδίας γράσιμον
Και μαζί και χώρι͜α
ψ̌ης έν’ βγάλσιμον

Εντάμαν άλλο ’κ’ ’ίνεται
να κείμες και να σ’κούμες
Ατώρα που χωρίουμες
μόνον καλά ας θυμούμες

Ατό ’κ’ έν’ εγάπ’!
Καρδίας γράσιμον
Και μαζί και χώρι͜α
ψ̌ης έν’ βγάλσιμον

Γλωσσάρι

Κείμενο	Επεξήγηση	Ετυμ. Ρίζα
αέτσ’	έτσι
ατώρα	τώρα
εγάπ’	αγάπη
είμες	είμαστε
έν’	είναι
εντάμαν	μαζί
έχομε	έχουμε
θυμούμες	θυμόμαστε
’ίνεται	γίνεται
’κ’	δεν	οὐκί<οὐχί
καλλίον	(επίθ.) καλύτερο, (επίρ.) καλύτερα
καρδίας	(τη, γεν.) καρδιάς, (τα, ονομ. πληθ.) καρδιές
κείμες	κειτόμαστε, ξαπλώνουμε
’κι	δεν	οὐκί<οὐχί
μίαν	μια φορά
πολλά	(επίθ.) πολλά, (επίρρ.) πολύ
σ’κούμες	σηκωνόμαστε
φαΐεται	τρώγεται
χώρι͜α	χωριστά
χωρίουμες	χωριζόμαστε, χωρίζουμε
ψ̌η	ψυχή
ψ̌ης	ψυχής