Μ’ ανοί’τεν τα παράθυρα

Προβολή Τραγουδιού

Καλλιτέχνες: Γιώργος Ορφανίδης, Παναγιώτης Γεωργιάδης

Μ’ ανοί’τεν τα παράθυρα
μ’ ελέπω την ημέραν
Έσ̌κισαν το καρδόπο μου
και τη χαρά μ’ επέραν

Έρθεν η γη εσείουτον
σα γόνατα -ν- ερρούξα
«Όλεν τον βίο μ’ επάρ’τε
τ’ αρνί μ’ αφήστε» εκούξα

Άλλο ’κι θέλω για να ζω!
Φύσα κι έπαρ’ με, αέρα
Εγώ σ’ αούτον την ζωή
το μερτικό μ’ επέρα

Γλωσσάρι

Κείμενο	Επεξήγηση	Ετυμ. Ρίζα
ανοί’τεν	ανοίγετε
αούτον	αυτόν
βίο	το βιος, το σύνολο των ζωντανών που έχει στην ιδιοκτησία του κάποιος, η περιουσία κάποιου
εκούξα	φώναξα, λάλησα, κάλεσα κπ ονομαστικά
ελέπω	βλέπω
έπαρ’	(προστ.) πάρε
επάρ’τε	πάρτε
επέρα	πήρα
επέραν	πήραν
έρθεν	ήρθε
ερρούξα	έπεσα
εσείουτον	σειόταν, κουνιόταν πέρα δώθε δυνατά
καρδόπο	καρδούλα
’κι	δεν	οὐκί<οὐχί
όλεν	όλη/ο, ολόκληρη/ο