Σον ουρανόν επέτανα

Προβολή Τραγουδιού

Καλλιτέχνες: Γιώργος Σιδηρόπουλος, Στέλιος Χαλκίδης

Σον ουρανόν επέτανα
και ση νηήν ’κι επάτ’να
Εσέναν σ’ εγκαλιόπο μου,
αρνί μ’, όντες εκράτ’να

Σον ουρανόν επέτανα,
αητέντς όπου ’κ’ εφτάνει
Εσέναν όντες είχα σε,
αρνί μ’, σ’ εμόν το γιάνι

Σον ουρανόν ντ’ επέτανα,
πώς να πετώ ατώρα;
Μαχ̌αίρ’ εσέγκες σα φτερά μ’
Αναθεμά την ώραν!

Σον ουρανόν επέτανα
εντάμα σα πουλία
Κι ασ’ τ’ εχωρίγαμε, πουλί μ’,
εχάσα και την υεία μ’

Γλωσσάρι

Κείμενο	Επεξήγηση	Ετυμ. Ρίζα
αητέντς	αητός
ασ’	από
ατώρα	τώρα
γιάνι	πλάι, πλευρό	yan
εγκαλιόπο	αγκαλίτσα
εκράτ’να	κρατούσα
εμόν	δικός/ή/ό μου	ἐμοῦ
εντάμα	μαζί
επάτ’να	πατούσα
επέτανα	πετούσα
εσέγκες	έβαλες, εισήγαγες
εχάσα	έχασα
εχωρίγαμε	χωρίσαμε
’κ’	δεν	οὐκί<οὐχί
’κι	δεν	οὐκί<οὐχί
μαχ̌αίρ’	μαχαίρι
νηήν	γη
όντες	όταν
υεία	υγεία