Ποντιακός Στίχος

Προβολή Τραγουδιού

Κατεβάστε τους στίχους σε PDF

Καρδόπο μ’

Οδοιπορικό στον ΠόντοΟδοιπορικό στον Πόντο

Στιχουργοί: Νάκος Ευσταθιάδης

Συνθέτες: Αθανάσιος Τσολερίδης

Καλλιτέχνες: Θεόδωρος Βεροιώτης, Στάθης Νικολαΐδης


Καρδόπο μ’, εσέν είχα σε
σο ψ̌όπο μ’ κλειδωμένον
Ετσάκωσες το καρακίδ’
και λες με πικραμένον:

«Πού είν’ εκείνα τα καιρούς
π’ έσ’νε νέος ακόμα;
Πού έν’ το πρώτον η σεβντά σ’
π’ εφίλ’νες α’ σο στόμαν;»

Καρδόπο μ’, ντό είναι (ν)το λες;
Ατά (ν)το λες εδέβαν
Εκείν’ τα χρόνι͜α επέρασαν,
για πέει με, ντό επέμ’ναν;

«Εκείν’ τα χρόνι͜α πάντα ζουν,
τ’ άλλ’ έρχουνταν και πάνε
Π’ εγάπεσαν αληθινά
καμίαν ’κι ανασπάλ’νε»

Καρδόπο μ’, κλώστ’ ξαν οξωπίσ’,
του κάκου μη κομπούσαι -ν
Τα νεότητα ’κ’ έρχουνταν,
μη κλαις και μη ματούσαι-ν

«Ε! σ’χώρα με π’ ετέρεσα
τ’ άστρα σα επουράνι͜α
Έρθαν σο νου μ’ τα παλαιά
τα χρόνι͜α και ζαμάνι͜α»
Γλωσσάρι
ΚείμενοΕπεξήγησηΕτυμ. ΡίζαΠροέλευση
α’(ατό) αυτό, το
ανασπάλ’νεξεχάσουν
ατάαυτά
εγάπεσαναγάπησαν
εδέβαν(για τόπο) πέρασαν, διέσχισαν, (για χρόνο) πέρασαν διαβαίνω
είν’είναι (για πληθ.)
εκείν’εκείνοι
έν’είναι
επέμ’ναναπόμειναν
έρθανήρθαν
έρχουντανέρχονται
έσ’νεήσουν
ετέρεσακοίταξα
ετσάκωσεςέσπασες
εφίλ’νεςφιλούσες
ζαμάνι͜αχρόνια zaman/zamān
’κ’δεν οὐκί<οὐχί
καμίανποτέ
καρακίδ’μάνταλο πόρτας
καρδόποκαρδούλα
’κιδεν οὐκί<οὐχί
κλώστ’γύρνα/γύρισε, επέστρεψε (προστ.)
κομπούσαιξεγελιέσαι, εξαπατάσαι, μτφ. σαγηνεύεσαι κομβόω
ματούσαιματώνεις
νεότητανιότη, νιάτα
ξανπάλι, ξανά
οξωπίσ’πίσω, αντίστροφα
πέειπες (προστ.)
σεβντάαγάπη, έρωτας sevda/sevdā
σ’χώρασυγχώρεσε (προστ.)
ψ̌όποψυχούλα

Ποντιακός Στίχος - Pontian Lyrics 2024

Τραγούδια: 8093 | Albums/Singles: 1273 | Συντελεστές: 1655 | Λήμματα: 14443
Επικοινωνία: infoDUMMY@pontianlyrics.gr