Έχω έναν παράπονον

Προβολή Τραγουδιού

Καλλιτέχνες: Θόδωρος Παυλίδης, Παύλος Καλαϊτζίδης

Έχω έναν παράπονον
ασ’ αβούτον τον κόσμο
Ούλ’ εμέν κατηγορούν’
το καρδόπο μ’ ’κι πονούν
Πασ̌κείμ’ ντ’ ευτάγω κακόν
την Ελένην ντ’ αγαπώ;

Ρακίν πίνω και μεθύνω
την φωτίαν να νεβζήνω
και σκαλώνω, τραγωδώ
για τ’ εμόν το τερτόπον
Γομώνω ποτηρόπα
με το ’κχ̌ύνω τα δα̤κρόπα

Κανέναν ’κι θα ρωτώ
θα ’φτάγω ντο θέλω εγώ
Θα κλέφτ’ ατεν και θα φεύω
το ψ̌όπον ατ’ς να λελεύω
Όντες στεφανούμαι σε -ν-
θα είμες ευτυχισμέν’

Γλωσσάρι

Κείμενο	Επεξήγηση	Ετυμ. Ρίζα
αβούτον	αυτόν
ασ’	από
ατεν	αυτήν
ατ’ς	αυτής, της
γομώνω	γεμίζω
δα̤κρόπα	(υποκορ.) δάκρυα
είμες	είμαστε
εμόν	δικός/ή/ό μου	ἐμοῦ
ευτάγω	κάνω, φτιάχνω	εὐθειάζω
ευτυχισμέν’	ευτυχισμένοι
καρδόπο	καρδούλα
’κι	δεν	οὐκί<οὐχί
κλέφτ’	κλέβω/ει
’κχ̌ύνω	εκχύνω, χύνω, εκβάλλω	εκχύνω<ἐγχέω< ἐν + χέω
λελεύω	χαίρομαι
μεθύνω	μεθάω
νεβζήνω	σβήνω
όντες	όταν
ούλ’	όλοι
πασ̌κείμ’	μήπως, μήπως (και)	πᾶς καί ἔνι
ποτηρόπα	ποτηράκια
ρακίν	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
σκαλώνω	αρχινώ, ξεκινώ, εκκινώ ένα έργο/δουλειά
στεφανούμαι	στεφανώνομαι
τερτόπον	(υποκορ.) καημός, βάσανο, στενοχώρια	dert
τραγωδώ	τραγουδάω
φεύω	φεύγω
’φτάγω	(ευτάγω) κάνω, φτιάχνω	εὐθειάζω
ψ̌όπον	ψυχούλα