Ποντιακός Στίχος

Προβολή Τραγουδιού

Σην Τέπρεν ’ίνεται χορός

Α’έρτςΑ’έρτς

Στιχουργοί: Κώστας Κωνσταντινίδης

Συνθέτες: Γιώργος Δημητριάδης

Καλλιτέχνες: Γιώργος Ατματσίδης, Γιώργος Δημητριάδης


Σην Τέπρεν¹ ’ίνεται χορός
και σο τρανόν τ’ αλώνι
Γλυκέα παίζ’ η κεμεντζ̌έ,
κορτσόπα παλαλώνει

Τη Τέπρες¹ και τα κορτσόπα
απάν’ σ’ άλλον γομούνταν
Κι όταν ακούν την κεμεντζ̌έ
ας σον χορόν ’κι σ’κούνταν

Ετοπλαεύταν σο σεΐρ’
κορτσόπα και νυφάδες
Εγούρεψανε τον χορόν
τη Τέπρες οι γιοσμάδες

Τρώνε και πίν’νε και γλεντούν
ευτάνε τσ̌οχαλούκια
Πεκιάρ’κα είν’ κι χ̌αίρουνταν
ευτάνε σεβνταλούκια

Ση Τέπρες¹ τον ανέφορον
τραγωδώ και σ̌υρίζω
Κι ας ση σεβντά μ’ εγώ μεθώ
τ’ αρνί μ’ όντες νουνίζω
Γλωσσάρι
ΚείμενοΕπεξήγησηΕτυμ. ΡίζαΠροέλευση
ανέφορονανήφορο
απάν’πάνω
γιοσμάδεςκομψοί, λεβέντες νέοι yosma
γλυκέα(επιρρ.) γλυκά
γομούντανγεμίζουν, βουρκώνουν, κομπιάζουν
εγούρεψανεέστησαν kurmak
είν’είναι (για πληθ.)
ετοπλαεύτανμαζεύτηκαν, συγκεντρώθηκαν toplamak
ευτάνεκάνουν, φτιάχνουν εὐθειάζω
’ίνεταιγίνεται
κεμεντζ̌έη λύρα kemençe/kemānçe
’κιδεν ουκί<οὐχί
κορτσόπακοριτσάκια
νουνίζωσκέφτομαι
νυφάδεςνύφες
όντεςόταν
παλαλώνειτρελαίνει κπ
πεκιάρ’καεργένικα bekâr/bekār
πίν’νεπίνουν
σεβντάαγάπη, έρωτας sevda/sevdā
σεβνταλούκιαέρωτες sevdalık
σεΐρ’θέαμα πρόσφορο για διασκέδαση (τερώ σεΐρ: κοιτώ κάτι παραμένοντας αμέτοχος) seyir/seyr
σ’κούντανσηκώνονται
σ̌υρίζωσφυρίζω, παίζω αυλό σῦριγξ
τραγωδώτραγουδάω
τσ̌οχαλούκιαανωριμότητες, πράξεις προΐόν αμάθειας/απειρίας cahillik<cehl, cāhil
χ̌αίρουντανχαίρονται
Σημειώσεις
¹ (Τέπρε ή Δέβρη) Παλιά ονομασία του χωριού Αναρράχη Πτολεμαΐδος

Ποντιακός Στίχος - Pontian Lyrics 2024

Τραγούδια: 7928 | Albums/Singles: 1169 | Συντελεστές: 1564 | Λήμματα: 13337
Επικοινωνία: infoDUMMY@pontianlyrics.gr